ខគម្ពីរពេញនិយមពី ရိမ့ၤ 7

ចែក​រំលែក

တဲၤ​မှီး​ဘဲာ်​ဘၱာ်​စဲာ် ဒဳ​ဝၤ​ဘၱာ်​စဲာ်​ယ့ၣ်​ရှူး​ခ​ရၱာ်​အ​ပူၤ​လီၤ. အ​က​ဓူၤ​လါ, ပွ့​ယ​တဲၤ​က​မဳၤ​အီၣ်​အ​သ​ရ့, ယ​က​အီၣ်​အံာ် က​ဘၱာ်​စဲာ် အ​တဲၤ​မှဲး​လၤ, ကၱာ်​ယ​န့ၤ​ဘၱ​စဲာ်, သဳး​သး​ဒဳ​တဲၤ​ခီၣ်​ဝဲၤ​အ​တဲၤ​အံာ်​လၤ​နံၤ ကဲၤ​ယဲၤ​နဳၤ.

အ​စာ်​ဘိ​ယ​အီၣ်​ကၱာ်​တဲၤ​ဖ့း​တဲၤ​ဟၱး​အ​ခီ, ယ​သၱာ်​ဟဲ တ​ပွဲး​တဲၤ​အ​အဲး အ​အီ​တ​အီၣ်​ဒဳ​ယ​ပူၤ​နဳၤ​တ​မံ​နီး, မၤ​နဲၢ်​ဒဳၣ်, ယ​က​မဳၤ​အ​သး​အဲး​မဲၤ​တဲၤ အ​အဲး​အီၣ်​နီၣ်​သီ​ဒဳ​ယ​ပူၤ​နှီ​နဳၤ, ယ​တ​မဲၤ​ကဲာ်​ထာ်​ကဲၤ​နီး.

သ​ရိ ယ​က​မဲၤ​နံၤ​တဲၤ​မဲၤ​အ​ဝၱၤ​အ​ဘဲာ်​တ​စီာ်​နဳၤ, ယ​မဲၤ​နံၤ​ကီ​တဲၤ​ခီၣ်​ဝဲၤ, ထဲၢ်​ယ​တ​သး​အဲး​မဲၤ​နီး​တ​စီာ်​နဳၤ.

ကၱာ်​ယ​မဲၤ​နံၤ​ကဲၤ​တဲၤ​ထဲၢ် ယ​တ​သး​အဲး​မဲၤ​နီး တ​စီာ်​နဳၤ​ဒဳၣ်, အ​တ​မၱာ်​ယ​န့ၤ​ဘၱ​စဲာ်​အ​သ့​ပွ့ၤ​နီး, မၱာ်​တဲၤ​ခီၣ်​ဝဲၤ​အ​အီၣ်​ဒဳ​ယ​ပူၤ​တ​ဓဲ​နဳၤ.

မဲၤ​က​နဳၤ​ဒဳၣ်, အ​လါ​မၱာ်​တဲၤ​အ​နဲၤ​နီၤ​တ​ဓဲ​ထဲၢ်​ဘ့​ယ​သး​အဲး မဲၤ တဲၤ​အ​အဲး​ကိ​အ​ပျာ်​နဳၤ, တဲၤ​အ​တ​အဲး​နီး​အီၣ်​တ​လီၤ​ကဲၤ. ဒဳ​ယ​သး​အိး​ပူၤ​နဳၤ​ယ​ဘဲာ်​လီၢ်​သ့​ပွ့ၤ​သၱာ်​လၱ က​ဘၱာ်​စဲာ်​အ​တဲၤ​မှဲး​လၤ

ကၱာ်​ယ​မဲၤ​နံၤ​ကဲၤ တဲၤ​ထဲၢ်​ယ​တ​သး​အဲး​မဲၤ​နီး​တ​စီာ်​နဳၤ​ဒဳၣ်, မၱာ်​အ​ဒဲ​လၱၢ်​တဲၤ​မှဲး​လၤ မၱာ်​တဲၤ​အ​အဲး​လီၤ.