ខគម្ពីរពេញនិយមពី ရိမ့ၤ 8

ចែក​រំលែក

ပၠၤ​ထဲၢ်​အ​ဘဲာ်​လီၢ်​က​ဘၱာ်​စဲာ်​တ​စီာ်​နဳၤ​ဒဳ​စ​ယဳၤ လၢ်​ဝၤ​စ​တဲၤ သး​အဲး​နံၤ​အီၣ်​အ​ဓ့​နဳၤ​လီၤ.

ယ​နံၤ​ခံ​မၱာ်​အ​လၤ​တံၤ လၤ​ဆ့း​ထဲၢ်​တဲၤ​သံ​မၱာ်​ဝၱၤ, တဲၤ​အီၣ်​မၱာ်​ဝၱၤ, မီၢ်​ခဳး​ပွဲၤ​ဇဳၤ​မၱာ်​ဝၱၤ, ဆး​ဖြး​ဖဳး မၱာ်​ဝၱၤ, တဲၤ​အ​အီၣ်​ခဳ​နူၤ​ယဳၤ​တ​စီာ်​မၱာ်​ဝၱၤ, အ​က​အီၣ်​ကီ​ဒဳ​အ​လ့ၤ​ကါ​တ​စီာ် မၱာ်​ဝၱၤ, တဲၤ​စိ​တဲၤ​သ​လဲ​မၱာ်​ဝၱၤ, ဒဳ​တဲၤ​ထာ်​ယၱၤ​မၱာ်​ဝၱၤ, တဲၤ​လၤ​ယီၢ်​စဳး​တ​ပံၤ​မၱာ်​ဝၱၤ, တဲၤ​အီၣ်​ဘီာ်​လၤ​မၱာ်​ဝၱၤ​တ​လ့ၤ​နံၢ်​ဇၤ​ဝၤ​ကၱာ် က​ဘၱာ်​စဲာ်​အ​တဲၤ​ဘဲာ်​လီၢ်​ထဲၢ်​က​စာ်​ထၱး​ဇၤ​ဒဳ​ယ့ၣ်​ရှူး​ခ​ရၱာ်​အ​ဇိၤ​တ​မံ​နီး.

သး​စါ​ထံ​လၤ​ထၱး​ဝၤ​အ​က​မဲၤ​ဇဳၤ​ဝၤ​ဒဳ​ဝၤ​တဲၤ​ခဳး တဲၤ​အါ တ​အီၣ်​နီး​အ​ကျဲ​နဳၤ. ဘ့​ဝၤ​ဝၢ်​လှဲး​တဲၤ​ယၱၢ်​ဘဲာ်​အ​က​သ​ဘဲ​သ​အိ​သ​အဲး​နဳၤ, သး​စါ​ထံ​ဒဲ​လၱၢ်​ထး​ဝၤ​တဲၤ​တၤ​ဒဳ​ဝၤ​တ​ဒီၣ်​ဇၤ​နီး​အ​ပူၤ​နဳၤ.

တဲၤ​အ​ယဳၤ​တ​စီာ်​ဝှါ​အ​မီၤ​ဒဳၣ်​ချဳ​မၱာ်​တၤ​နဲၢ်. က​ဘၱာ်​စဲာ်​က​အီၣ်​မၤ​ဒဳ​ဝၤ​အီၣ်​တ​ခီ​ဘဲာ်​ဒဳၣ်, ပီၢ်​ပွဲၤ​က​ထာ်​ခဳး​ကါ ဇၤ​ဝၤ​ပွဲၤ.

မဲၤ​က​နဳၤ​ဒဳၣ်, ပၠၤ​အ​အီၣ်​သ​မိ​ဒဳ​ယ့ၣ်​ရှူး​ခ​ရၱာ်​ပူၤ​တ​ဘဲာ် က​ဘၱာ်​စဲာ်​အ​တဲၤ​စံး​ရး​နီး.

ပၠၤ​တ​ပွဲၤ​က​မဲၤ​အံာ်​မၤ​ဖ့း​ဟၱး​အ​တဲၤ​မဲၤ လီၤ​ဒဳၣ်, စ​မဲၤ​နံၤ​စ​နံၤ​ခံ​တဲၤ​သံ​လီၤ, မၱာ် ပၠၤ​တ​ပွဲၤ​ပွဲၤ​က​မဲၤ​မၤ​သဳး​သး အ​တဲၤ​မဲၤ​ဒဳၣ်, စ​မဲၤ​နံၤ​တ​ပွဲး​စ​နံၤ​ခံ​တဲၤ​အီၣ် သ​မိ​ကၱာ်​တဲၤ​စဳး​တဲၤ​ချံး​တ​ခီ.

အ​ယဳၤ​မၱာ်​တဲၤ​ဘဲာ်​သး​ထဲၢ်​ဝၤ​နဳၤ​ဝၤ​ပဲၤ​ကိာ်​အ​ခဳး​လဲၢ်​ကါ လဲၢ်, ဒဳ​အ​ဘဲာ်​လီၢ်​ဝၤ​တ​ပွဲၤ​အ​ပူၤ​နဳၤ.

ယ​က​မဳၤ​မၱာ်​တဲၤ​ပၤ​ဝၤ​ခး​ဘဲာ်​ခဳ​နူၤ​ယဳၤ​တ​စီာ်​နဳၤ, ဝၤ​တ​ဒိး သီ​တြီၤ​ဇၤ​ကၱာ်​တဲၤ​ဓီၤ​တဲၤ​သ့း​အ​အီၣ်​ဆီ​ဧိၢ်​အံာ်​ဝၤ​ထဲၢ်​ဝၤ​တ​ဘဲာ်​ဒဲ​လၱၢ် နှၱ​နီး​တ​ဓဲ​နဳၤ.

တၤ​တ​မံ​တ​မဲၤ ပၢ်​ကဲာ် ထာ်​ဝၤ​ကၱာ်​ခ​ရၱာ်​အ​တဲၤ​ဘဲာ်​လီၢ်​အ​ဇဳၤ​နီး. ဝၤ​ခး​ဘဲာ်​နီၣ်​သီ​တဲၤ​ဆဲး​ညဲ​ကၱာ် တဲၤ​ဘဲာ်​ရှဳ​ဘဲာ်​မၤ​နှီ​နဳၤ, ဝၤ​ဘဲာ်​နီၣ်​သီ​တဲၤ​လဳၤ​မဲၤ​ဆဲး​ညဲ​နှီ​နဳၤ, ဝၤ​ဆီ​တ​အၣ်​ပၤ​တ​အီ, တ​ကိ​တ​သီး​ဘဲာ်​နီၣ်​သီ​နှီ​နူၤ, ဝၤ​ဘဲာ်​မဲၤ​ယဳၤ​မဲၤ​နှါ, ဘဲာ်​မူၢ်​ဘဲာ်​ထာ်​နီၣ်​သီ​နှီ​နူၤ, တၤ​တ​မံ​တ​ထၱး​ပၢ်​ကဲာ်​ထာ်​ဝၤ​နီး.

က​ဘၱာ် စဲာ်​ထဲၢ်​အ​ဝၢ်​လှဲး​သၱာ်​ဟဲ​ဝၤ​သး​တ​ပွဲၤ​နဳၤ​သၱာ်​ဟဲ​တ​ပွဲး​သး​စါ​ထံ​သး​အဲး​ဒီၣ် ကဲၤ​တ​စီာ်​နဳၤ, ကၱာ်​ဒဳ​သး​စါ​ထံ​အ​တဲၤ​တၤ​ဒဳ​ပၠၤ​စါ​ထံ​တ​စီာ်​အ​တဲၤ​သး​အဲး နံၤ​ထဲၢ်​အ​ဘဲာ်​က​ဘၱာ်​စဲာ်​အ​သး​တ​စီာ်​နဳၤ.

က​ယါ​ပၠၤ​အ​ဘဲာ်​ထဳး​က​မ့ၤ​ဒဳ က​ဘၱာ်​စဲာ်​အ​သး​စါ​ထံ​တ​ပွဲၤ​ပွဲၤ​နဳၤ, စ​မၱာ်​က​ဘၱာ်​စဲာ်​အ​ဖဳး.

ပၠၤ​အ​တ​အီၣ်​အံာ်​သဳး​သး​အ​တဲၤ မဲၤ​နီး​တ​စီာ်​တ​ဘဲာ်​လီၢ်​တဲၤ​အ​ဘဲာ်​ကၠး​သဳး​သး​နီး, မၱာ်​အ​အီၣ် အံာ်​သဳး​သး အ​တဲၤ​ဖၱး​တဲၤ​မဲၤ​တ​စီာ်​ဘဲာ်​လီၢ်​တဲၤ​အ​ဘဲာ်​ကၠး​သဳး​သး​နဳၤ.

က​ဘၱာ်​စဲာ်​တ​လဲၢ်​ကဲ​စ​ဖဳး​နီး, မၱာ်​စ​အံာ်​လၤ ဖျီး​မၱာ်​လၢ်​ဝၤ​ဝၤ​နံၤ​ခံ ဒဳၣ်, က​ယါ​စ​အံာ်​ဇၤ​ဝၤ​တ​စီာ်​နဳၤ​စ​တ​ကံ​ဝံၢ် အံာ်​နီး, မၱာ်​အံာ်​လဳ​သဳး​လဳ​သး ဝၤ​နဳၤ​ဝၤ​ဒီၣ်​ဇၤ​ထဳ​တ​ပွဲး

သး​စါ​ထံ​သဲ​န့ၤ​ကၱာ်​ဝၤ​သး​စါ​ထံ​ခး​ပျဳာ် လၢ်​ဝၤ​သဲ​သၱး​ထဲၢ်​ဝၤ​မၱာ်​က​ဘၱာ်​စဲာ်​အ​ဖဳး​အ​လံၤ​နဳၤ. ကၱာ်​ဝၤ​က​မၱာ် မၤ​က​ဘၱာ်​စဲာ်​အ​ဖဳး​အ​လံၤ​ဒဳၣ်, ဝၤ​က​နံၤ​ဘဲာ် တ​ပွဲး​တဲၤ​အံာ်​လၤ​က့ၤ, က​ဘၱာ်​စဲာ်​ကၱာ်​ခ​ရၱာ်​အ​တဲၤ​အံာ်​လၤ​က့ၤ အ​ဖဳး​တ​စီာ်​နဳၤ. မၤ​နဲၢ်, ဝၤ​ခး​ပျဳာ် ဘဲာ်​ခ​ရၱာ်​စ​တဲၤ​ဆဲး​ညဲ​ပီၤ​တီၤ​ကၱာ်​ဝၤ​နံၤ​ဘဲာ်​ပျဳာ်​စ​ဓီၤ​စ​သ့း.

မၤ​နဲၢ်​က​ဒီၣ်​ဓဳၤ​ဒဳၣ်, ပၠၤ​တ​ပွဲၤ​ပွဲၤ က​မဲၤ​မၤ​ထ့​ဖ့း​ဟၱး​အ​နံၤ​ခံ​လီၤ​ဒဳၣ်, မဲၤ​စာ်​ဘိ​စ​မဲၤ​စ​န့ၤ​က​ဘၱာ်​စဲာ်​အ​သဲ ဒ့​ဒီၣ်​အ​ခီ​နဳၤ, မၱာ်​အ​စာ်​ဘိ​စ​ထာ်​ဒ့​ဒီၣ်​က​ဘၱာ်​စဲာ်​အ​တဲၤ​မဲၤ​အ​ခဳး​အ​စဲ​နဳၤ.

တဲၤ​အီၣ်​ဘီာ်​လၤ​လဳ​စါ​စဲး ဆီး​မီ​တိၤ​အံာ်​က​ဘၱာ်​စဲာ် အ​ခဲ​ဒဲ​လၱၢ်​စ​ဖဳး​တ​စီာ်​နဳၤ.

လှ့​အ​ကါ​ထၱး​ထိ​ဓဳၤ​လၤ ခဳ​နူၤ​ယဳၤ​တဲၤ​အီၣ်​ဘီာ်​လၤ​လဳ​စါ​စဲး​နဳၤ, အ​စာ်​ဘိ​ဝၤ​သၱာ်​ဟဲ​အ​သ​ရ့, က​အီၣ်​က​ယၤ​ကဲၤ​ဒဳ​တဲၤ​ဖဳး​ဇ့ၤ​လၤ​အံာ်​အ​တဲၤ​ဆဲး​ညဲ​အ​ပူၤ​နဳၤ