ខគម្ពីរពេញនិយមពី ရိမ့ၤ 6

ចែក​រំលែក

တဲၤ​ခီၣ်​ဝဲၤ​အ​ဆိး​အ​လှဲ​မၱာ် တဲၤ​သံ, က​ဘၱာ်​စဲာ်​အ​တဲၤ​အံာ်​မၱာ် တဲၤ​အီၣ်​အ​လၤ​ထူ​လၤ​ပျဳၤ​ဒဳ ဝၤ​ဘၱာ်​စဲာ်​ယ့ၣ်​ရှူး​ခ​ရၱာ်​အ​ပူၤ​နဳၤ.

တဲၤ​ခီၣ်​ဝဲၤ တ​အူ​အံာ်​စာ်​အံာ်​ဘဲာ်​သံ​တဲၤ အီၣ်​သ​မိ​နီး, မၤ​နဲၢ်​သံ​တ​အီၣ်​တဲၤ​မှဲး လၤ အ​လဲၢ်​နီး​မၱာ်​က​ဘၱာ်​စဲာ်​အ​လှူၣ်​အ​တါ​အ​လဲၢ်​နဳၤ.

မဲၤ​က​နဳၤ​ဒဳၣ်, ဘ့​ဝၤ​နံၤ​ဘဲာ် တဲၤ​အူ​ဆး​ဘါ​ထံ​နဳၤ, ဝၤ​ဘဲာ်​ဘူ​လါ​ပျဳာ်​ကဲၤ ကၱာ်​ဝၤ​သံ​ပျဳာ်​ကဲၤ​စဲာ်. က​နဳၤ​အ​ခဳး​အ​စဲ, အ​စာ်​ဘိ​ခ​ရၱာ်​ထာ်​ပဳၤ​က့ၤ​ဒဳ​တဲၤ​သံ အ​ကျဲ​ဒဳ​စ​ပာ် အ​တီၤ​အ​သ့း​အ​ပူၤ​နဳၤ, ဝၤ​မၱာ်​မၱာ်​ဝၤ​က​အီၣ်​ဘဲာ်​ပီၢ်​ဒဳ​တဲၤ သ​မိ အ​သဲ​အ​ပူၤ​နဳၤ.

သံ​န့ၤ​ဘၱ​စဲာ်​က​တ​မၱာ်​ဘဲာ်​တဲၤ​ရၱၢ်​တဲၤ​စူ​အ​ဒဳး​အ​ဖၠး​ဇၤ​တဲၤ​ခီၣ်​ဝဲၤ​နီး. မၱာ်​သံ​က​အံာ်​ထာ်​ဘဲာ် သံ​န့ၤ​ဘၱ​စဲာ် က​ဘၱာ် စဲာ်, ကၱာ်​က​မဳၤ​ပီၢ် သံ​န့ၤ​အ​သံ​ဝှါ​အ​နံၤ​ဘဲာ်​ကဲၤ​တဲၤ​အီၣ်​သ​မိ​တ​စီာ်​နဳၤ. သံ​က​မဲၤ​ဘဲာ်​သံ​န့ၤ သ​ဒဲ​ကျိ​အ​ဒဳး​အ​ဖၠး​တဲၤ​ဒဳ​က​ဘၱာ်​စဲာ် အီၣ်​တ​ခီ​နဳၤ.

ဝၤ​သၱာ်​ဟဲ​တ​ပွဲး​ထဲၢ် ဝၤ​နဲၤ​ဘၱ​စဲာ် အ​လံၤ​လၤ​နဳၤ​ဘဲာ်​ထာ်​လၤ​ပျဳာ်​ထဳ​ခ​ရၱာ်​ဒဳ​သဳာ်​ပျဳၤ​အ​လီၤ​နဳၤ, စာ်​ဘိ​ထဲၢ် တဲၤ​ခီၣ်​ဝဲၤ​အ​န့ၤ​ဘၱ​စဲာ်​အ​တဲၤ​ခဳး​တဲၤ​အါ​က​ဘဲာ်​မဲၤ​ကဲ​မဲၤ​အိး​ပီၢ်, ကၱာ်​ဝၤ တ​မၱာ်​ပ့ၤ​ပီၢ်​တဲၤ​ခီၣ်​ဝဲၤ​အ​ဇိၤ​အ​ပွဲၤ​ပ့ၤ​နီး​နဳၤ.

က​နဳၤ​အ​ခီ, သံ​က​က​မဳၤ​ဘဲာ် သံ​သံ​လဲၢ်​ကဲ​တဲၤ​ခီၣ်​ဝဲၤ, မၱာ်​အီၣ် သ​မိ​ကဲၤ​ဒဳ​ဘၱာ်​စဲာ်​ပူၤ​ဒဳ​ယ့ၣ်​ရှူး​ခ​ရၱာ်​အ​ပူၤ​နဳၤ.

မဲၤ​က​နဳၤ, ဝၤ​က​အီၣ်​ဝ့ၤ​တဲၤ​ခီၣ်​ဝဲၤ​အ​ပူၤ​စာ်​ဘိ​ထဲၢ် ဝၤ​က​နံၤ ဘဲာ်​ဒဳၣ်​ဆဲး​ယ့ၣ်​ရှူး​နဳၤ​ဧါ. နီး, တ​မၱာ်​က​နဳၤ​နီး. ဝၤ​သံ​ဘဲာ်​ထဳ တဲၤ​ခီၣ်​ဝဲၤ, မဲၤ​က​နဳၤ​ဒဳၣ်, ဝၤ​က​အီၣ်​ဝ့ၤ​ဒီ​တဲၤ​ခီၣ်​ဝဲၤ အ​ပူၤ​စာ်​တဲၢ်.

သံ သၱာ်​ဟဲ​တ​ပွဲး​ထဲၢ်​ဘ့​သံ​အဳ​လါ​ဖျး​လၤ​ကိာ်​အ​က​ခး​ဇိၤ​ပၠၤ​တ​ပွဲၤ​ပွဲၤ​ဒဳၣ်, သံ​ဖၱ​ထာ်​ကဲၤ​စ​ဇိၤ​စ​ပွဲၤ​နဳၤ, ကၱာ်​တ​ပျာ်​ခါ​လီၤ​သံ​က​မၱာ်​မၤ​တဲၤ​ခီၣ်​ဝဲၤ​အ​ဇိၤ အ​ပွဲၤ​ဒဳၣ်, အ​က​လ့ၤ​အံာ်​ဟူ​သံ ဒဳ​တဲၤ​သံ​အ​ကျဲ​နဳၤ, မၱာ်​တ​ပျာ်​ခါ​လီၤ သံ​တ​မၱာ်​စ​တဲၤ​ဆီး​ခ့​န့း လ့ၢ်​သဲ​ဟဳ ထဲၢ်​အ​လ့ၤ​အံာ်​ဟူ​ဝၤ ဒဳ​က​ဘၱာ်​စဲာ်​တဲၤ​တၱၢ်​တဲၤ​မှး အ​ဇိၤ​နဳၤ.

ဝၤ​ထါ​ထာ်​အံာ်​ဘၱာ်​စဲာ် အ​လှူၣ်​အ​တါ, မၤ​နဲၢ်, လှ့​အ​အူ​ဆူး​နဳၤ သံ​မၱာ်​ကဲၤ​တဲၤ​ခီၣ်​ဝဲၤ​အ​ဇိၤ​အ​ပွဲၤ, ပ​ရၤ​ဆါ​ခဳ​နူၤ​ယဳၤ သံ​ဖၱး​နံၤ​လဳ​သဳး​လဳ​သး​ကဲၤ တဲၤ​တၱၢ်​တဲၤ​မှး အ​ဘဲာ်​ဒီၣ်​အူ​ဒီ​ဆး​သံ​အ​စဲ​နဳၤ. သံ​လှိ​ထာ်​ဖျီး​ထာ်​ထဳ​တဲၤ​ခီၣ် ဝဲၤ​အ​ဇိၤ​အ​ပွဲၤ​ကၱာ်​သံ​မၱာ်​ကဲၤ​တဲၤ​တၱၢ်​တဲၤ​မှး​အ​ဇိၤ​အ​ပွဲၤ.