ខគម្ពីរពេញនិយមពី မတဲ 24

ចែក​រំលែក

ထာꩻ​ကုဲင်​စား​နဝ်ꩻ အီႏ​စွစ်ꩻ​လီ​တဲင် လိုꩻ​အာ​ဖုံႏ​နဝ်ꩻ ထာꩻ​ရက်​မေ​တ္တာႏ အီႏ​ဆေ့ꩻ​လွဉ်​နဝ်ꩻ​သွူ။ ကွဲႏ​တွော့ꩻ ပါꩻ​မုဲင်ꩻ​သ​စ္စာႏ​အဝ်ႏ ဗꩻ​တွိုႏ​အ​သွတ်ꩻ​သား​နဝ်ꩻ အီႏ​လꩻ​ထာꩻ​ကယ်ႏ​တင်ႏ​သွူ။

နဝ်ꩻ​မꩻ ပွိုင်း​ဝွို့​စွဉ်ႏ ခမ်း​ထီ​နဲင်ႏ​ငံႏ​ခ​ရာႏ သ​တင်ꩻ​ဟဝ်​ယို​နဝ်ꩻ အီႏ​ဟော်ꩻ​စွစ်ꩻစဲစ်ꩻ တ​ဟံႏ​တန်​လွုမ်း၊ ခံႏ​နယ်​ဖေႏ​လိုꩻ​ဖုံႏ ကား​က​အဝ်ႏ သက်​သေႏ ထွူ​မꩻ အ​ဆုဲင်ꩻ​သွတ်ꩻ ကာႏ​လ​နဝ်ꩻ အီႏ​တွိုႏ​လွဉ်​နဝ်ꩻ​သွူ။

သီ​အီႏ​ဟွိုန် စဲ့ꩻ​တွိုက်ꩻ​ပွယ်ꩻ​သ​တင်ꩻ အုံသေင်​ငဝ်း အ​ဗော့ꩻ​စွဉ်ႏ အ​ညာꩻ​ဖုံႏ​သွူ။ ကွဲႏ​တွော့ꩻ သꩻ​တွမ်ႏ​ကုဲင်​မွိုန်း။ ထာꩻ​စား​ယို​ဖုံႏ​နဝ်ꩻ အီႏ​ထွာ​လွဉ် ဗာႏ​ဒျာႏ​ရင်ꩻ၊ ကွဲႏ​တွော့ꩻ ထွာ​အ​ဆုဲင်ꩻ​သွတ်ꩻ ချိန်ႏ​ကာႏ​လ တ​မွေး​တဝ်း​ဒွိုန်း​သွူ။

ခမ်း​ထီ​ဟံႏ​နယ်ႏ​ဖုံႏ​နဝ်ꩻ တ​နယ်ႏ​တွမ်ႏ​တ​နယ်ႏ အီႏ​တွိုက်ꩻ​လို့​ဝင်ꩻ​တဲင် ခမ်း​နဲင်ႏ​ငံႏ​ဖုံႏ​နဝ်ꩻ တ​ခမ်း​ထီ​စွဉ်ႏ တ​ခမ်း​ထီ အီႏ​တွိုက်ꩻ​လို့​ဝင်ꩻ​သွူ။ နဝ်ꩻ​ကို ထာꩻ​အံႏ​မ​အံႏ​အဝ် အီႏ​ထွာ​လွဉ်​တဲင် ဟံႏ​အီႏ​တ​သွိုး ခင်ႏ​လမ်ႏ စွုမ်ႏ​ထွောင်း​နဝ်ꩻ​သွူ။ ထာꩻ​ယို​ဖုံႏ ကား​က​အဝ်ႏ ကထွာ​လွဉ်​နဝ်ꩻ ဗွိုန်​နုဲင်း လိုꩻ​ပေႏ​အီႏ​လွူး​လွဉ် ဟို့ꩻ​ခြေ့​ဆာထာꩻ အ​ရီး​သွတ်ꩻ တ​လဲင်ႏ​နဝ်ꩻ​သွူ။

မို့ꩻ​တွမ်ႏ ဟံႏ​တန်​နဝ်ꩻ အီႏ​ကုဲင်​ထိုꩻ​စွဉ်ႏ​တဲ့ ခွေ​ငဝ်း​ဖုံႏ​နဝ်ꩻ မုဲင်ꩻ​ခါ​တဲ့ အီႏ​တ​ကုဲင်​ထိုꩻ​တဝ်း​သွူ။

က​ဒေါ့ꩻ​ကေႏ​ညာႏ​ဖေႏ ခွေ​တာႏ​သား လိုꩻ​အာ​ဖုံႏ​နဝ်ꩻ၊ အီႏ​လွဉ်​တဲင် ရိုꩻ​ဖေႏ​သီ၊ ‘​ခွေ​နဝ်ꩻ​ထွာ ခ​ရစ်​တောႏ​ဒျာႏ၊’ နုဲင်း​နဝ်ꩻ​တဲင် ဝွေꩻ​သီး အီႏ​မာꩻ​ဗား လိုꩻ​အာ​ဖုံႏ​နဝ်ꩻ​သွူ။

“​နဝ်ꩻ​ထွူ သီ​အီႏ​ခံႏ​ဗာႏ ဝင်ꩻ​ဆွမ်ꩻ​တွော့ꩻ အီႏ​အပ်​ထိုꩻ က​အီႏ​ဖေႏဒါႏ အ​ပဲစ်​တံႏ​သား စူ​ကို​တွော့ꩻ အီႏ​မာꩻ​သီ​ထိုꩻ​နဝ်ꩻ​သွူ။ ကွပ်​ပွိုး ခွေ​အ​တွက် လိုꩻ​စွုမ်ႏ​ဖြာꩻ အီႏ​လွꩻ​ထီႏ သီ​သွူ။ ထွိုင်ႏ​တွိုႏ​အ​ချိန်ႏ​နဝ်ꩻ ဝွေꩻ​သီး ထာꩻ​ယွုမ်း​ဖုံႏ အီႏ​ကုဲင်​ထိုꩻ​နဝ်ꩻ အာ​ငါႏ​သွူ။ ဝွေꩻ​သီး​နဝ်ꩻ တ​ဖြာꩻ​တွမ်ႏ​တ​ဖြာꩻ သ​စ္စာႏ​အီႏ​ဖေါက် လို့​ဝင်ꩻ​တဲင် တ​ဖြာꩻ​တွမ်ႏ​တ​ဖြာꩻ အီႏ​လွꩻ​ထီႏ​လို့ ဝင်ꩻ​ဖုံႏ​သွူ။ တွိုႏ​နဝ်ꩻ ပ​ရော​ဖဲစ်​လိန်ႏ​လဲဉ်​ဖုံႏ ပေါႏ​လွဉ်​အာ​ငါႏ​တဲင် လဲဉ်​ဗား​ထိုꩻ လိုꩻ​ဖုံႏအာငါႏ​သွူ။

ဗွေႏ​ယေ​သျု လဝ်း​ချာ၊ “​အွဉ်ႏ​သ​တိ​တဲင် ဖေႏ​နေး ပါꩻ​တ​ဖြာꩻ​ဖြာꩻ​တဲ့ က​လဲဉ် လꩻ​ထိုꩻ​မွိုန်း​သီ​ဟုဲင်း။

ပွိုး​နုဲင်း​နဝ်ꩻ​မꩻ သီ​တဲ့ ဖျင်​ရဲဉ်ꩻ​သေꩻ​မꩻ သေႏ​သေႏသွော့၊ ပွိုး​တွော့ꩻ သီ​တ​အဝ်ႏ​မောင်ꩻ​တဝ်း အ​ချိန်ႏ​နဝ်ꩻ လိုꩻ​ပို​ခို အီႏ​ကျွꩻ​လွဉ်​နဝ်ꩻ​သွူ။

နဝ်ꩻ​မꩻ ကွပ်​ပွိုး သီ​ဗွေႏ​ထာ​ဝ​ရ​ဘု​ရာꩻ အီႏ​ကျွꩻ​လွဉ်​ဒါႏ အ​နီꩻ​နဝ်ꩻ သီ​တ​သေ​တဝ်း​အ​တွက် အုံ​ပွေါး​ထွား​ဆွုမ်ႏ​သွော့။

က​အီႏ​လွဉ်​ဒါႏ အ​နီꩻ​စွဉ်ႏ အ​ချိန်ႏ​နား​ရီႏ​နဝ်ꩻ ပါꩻ​မုဲင်ꩻ​တ​ဖြာꩻ​တဲ့ တ​သေ​တဝ်း၊ မို့ꩻ​လောင်း​တ​မန်ႏ​ဖုံႏ တဲ့​နဝ်ꩻ ပို​ခို​တောႏ တဲ့​နဝ်ꩻ တ​သေ​တဝ်း၊ သေ​ဒျာႏ​ဖါ​တောႏ တ​ပါꩻ​လွုမ်ꩻ​သွူ။

ပွိုး​မေ​သျိ​ယ လဲဉ်​ဖုံႏ​တွမ်ႏ ပ​ရော​ဖဲစ်​လဲဉ်​ဖုံႏ အီႏ​ပေါႏ​လွဉ်​နဝ်ꩻ​သွူ။ ဝွေꩻ​သီး​အီႏ​မာꩻ​နယ် နိ​မိတ်​လ​က္ခ​ဏာႏ​တွမ်ႏ ထာꩻ​အံႏ​ဖြာႏ​ခ​ရာႏ​ဖုံႏ တန်​ငါႏ​တဲင် မဉ်ႏ​ထွာ​နွောင်ꩻ​နဝ်ꩻ လဲင်ꩻ​အီႏ​လဲဉ်​စွဉ်ႏ ဗွေႏ​ဘု​ရာꩻ က​လွိုက်​ခါꩻ​ဒါႏ လိုꩻ​ဖုံႏ​နဝ်ꩻ​သွူ။

လိုꩻ​ပို​ခို က​အီႏ​ကျွꩻ​လွဉ်​နဝ်ꩻ ဗွိုန်​နုဲင်း က​ထွာ​လဲဉ်း​ဒါႏ နော​ဧ​စိုး​နဝ်ꩻ​သွူ။ ခ​လား​ထီ​က​လုမ်ႏ အ​နီꩻ​ကို​နဝ်ꩻ လိုꩻ​ဖုံႏ အဝ်ႏ​အံႏ​အွꩻ​ဒျာႏ​တဲင်၊ လိုꩻ​ခို​ဖုံႏ​တွမ်ႏ လိုꩻ​မူႏ​ဖုံႏ​နဝ်ꩻ အဝ်ႏ​တောႏ​လမ်း မင်္ဂ​လာႏ​ဒျာႏ၊ ဗꩻ​တွိုႏ​စွဉ်ႏ နော​ဧ​သီး က​နွို့​လွေꩻ​သော့ꩻ သင်္ဘောꩻ​ကို​နဝ်ꩻ​သွူ။ လဲင်ꩻဗ​တွိုႏ​နေး​စွဉ်ႏ ထီ​လုမ်ႏ​လွဉ်​တဲင် အီ​ခြွဉ်ႏ​ထိုꩻ​လို့ ဝွေꩻ​သီး ကား​က​အဝ်ႏ​နဝ်ꩻ ဝွေꩻ​သီး တ​သေ​နမ်း​တဝ်း နဝ်ꩻ​သွူ။ လိုꩻ​ပို​ခို က​အီႏ​ကျွꩻ​လွဉ်​ချိန်ႏ​နဝ်ꩻ အီႏ​ထွာ​ဗွိုန် နုဲင်း​နဝ်ꩻ​သွူ။