မတဲ 24:37-39

လိုꩻ​ပို​ခို က​အီႏ​ကျွꩻ​လွဉ်​နဝ်ꩻ ဗွိုန်​နုဲင်း က​ထွာ​လဲဉ်း​ဒါႏ နော​ဧ​စိုး​နဝ်ꩻ​သွူ။ ခ​လား​ထီ​က​လုမ်ႏ အ​နီꩻ​ကို​နဝ်ꩻ လိုꩻ​ဖုံႏ အဝ်ႏ​အံႏ​အွꩻ​ဒျာႏ​တဲင်၊ လိုꩻ​ခို​ဖုံႏ​တွမ်ႏ လိုꩻ​မူႏ​ဖုံႏ​နဝ်ꩻ အဝ်ႏ​တောႏ​လမ်း မင်္ဂ​လာႏ​ဒျာႏ၊ ဗꩻ​တွိုႏ​စွဉ်ႏ နော​ဧ​သီး က​နွို့​လွေꩻ​သော့ꩻ သင်္ဘောꩻ​ကို​နဝ်ꩻ​သွူ။ လဲင်ꩻဗ​တွိုႏ​နေး​စွဉ်ႏ ထီ​လုမ်ႏ​လွဉ်​တဲင် အီ​ခြွဉ်ႏ​ထိုꩻ​လို့ ဝွေꩻ​သီး ကား​က​အဝ်ႏ​နဝ်ꩻ ဝွေꩻ​သီး တ​သေ​နမ်း​တဝ်း နဝ်ꩻ​သွူ။ လိုꩻ​ပို​ခို က​အီႏ​ကျွꩻ​လွဉ်​ချိန်ႏ​နဝ်ꩻ အီႏ​ထွာ​ဗွိုန် နုဲင်း​နဝ်ꩻ​သွူ။