ខគម្ពីរពេញនិយមពី မတဲ 23

ចែក​រំលែក

သီ​အ​ကို အ​တန်​သွတ်ꩻ တ​ဖြာꩻ​နဝ်ꩻ အီႏ​ထွာ​ဗာႏ သီ​အ​သွဉ်း​သွူ။

ပါꩻ​မုဲင်ꩻ​အွဉ်ႏ​တန် အ​နမ်း​သား​နဝ်ꩻ အီႏ​ခံႏ​ဗာႏ အ​ချꩻ​ဖွိုႏ​တဲင် ပါꩻ​မုဲင်ꩻ​အွဉ်ႏ​ချ​ဖွိုႏ အ​နမ်း​သား​နဝ်ꩻ အီႏ​ထွာ​ဗာႏ အ​တန်​သွတ်ꩻ​သွူ။

“​သီ​က​ထွာ သူႏ​တောႏ​လဲဉ်​၊ ကျမ်ꩻ​ဒါႏ​ဆ​ရာႏ​ဖုံႏ​တွမ်ႏ ဖါ​ရိ​သဲ​ဖုံႏ၊ သီ​တာႏ ဟဝ်​ငမ်း​သꩻ​ငါႏ ခွိုင်း​ကား​မုဲင်ꩻ။ သီ​လဲင်ꩻ​ဖေႏ​နေး​စွဉ်ႏ ဗွေႏ​ဘု​ရာꩻ ဆီပွန်းတပွန်း ရာႏ​သီႏ​အ​လွောက်ꩻ တ​သီႏ​မွူး​ပေႏ​ဖုံႏ က​သော့ꩻ​ဒါႏ ဟန်ႏ​အို​ကို အ​စား​နုဲင်း အိန်​ခြိမ်ꩻ​မွူး၊ စ​မုတ်​မွူး၊ သီ​ယာ​မွူး​ဖုံႏ၊ ကွဲႏ​တွော့ꩻ က​အီႏ​လွောက်ꩻ​နာႏ​မွေး အ​ရေꩻ​တန် ပ​ညတ်​ကျမ်ꩻ ထာꩻ​သွဉ်​သင် အ​စား​နုဲင်း ထာꩻ​တ​ရျား၊ ထာꩻ​သꩻ​ညင်ꩻ​တွမ်ႏ ထာꩻ​စွို့ꩻ​စွဉ်ႏ​နဝ်ꩻ တ​အဲဉ်​ထဝ်း​သွူ။ ယို​ဖုံႏ​နဝ်ꩻ သီ​ဟဝ်​ကံ​ကျင်ꩻ၊ အ​လင်​ဖုံႏ​နဝ်ꩻ​တဲ့ တွမ်ႏ​အွဉ်ႏ​ဖွီ​ထိုꩻ​မွိုန်း။

“​သီ​က​ထွာ သူႏ​တောႏ​လဲဉ်​၊ ကျမ်ꩻ​ဒါႏ​ဆ​ရာႏ​ဖုံႏ​တွမ်ႏ ဖါ​ရိ​သဲ​ဖုံႏ၊ သီ​တာႏ​နဝ်ꩻ ဟဝ်​ငမ်း​သꩻ​ငါႏ ခွိုင်း​ကား​မုဲင်ꩻ။ သီ​အဝ်ႏ​ပ​သေ​ကြောင်း​စင်​ဒျာႏ သီ​တ​ကောက်ꩻ​တွမ်ႏ သီ​ဝန်ႏ အ​ထန်ႏ​ဖဲ့ꩻ​ကျာꩻ ကောင်း​ကို​ဖဲ့ꩻ​နဝ်ꩻ အဝ်ႏ​ဗွေ​သော့ꩻ​ဒျာႏ​တွမ်ႏ သီ​က​လꩻ​လွဉ်​ဒါႏ မာꩻ​ကျံꩻ​ကြမ်ꩻ​ထာꩻ​တွမ်ႏ ဟဝ်​နမ်း​တာႏ​လွုမ်ꩻ​သွူ။

“​အွိုး​ဝေင်ꩻ​ယေ​ရု​သ​လမ်ႏ၊ ဝေင်ꩻ​ယေ​ရု​သ​လမ်ႏ၊ နာꩻ​မာꩻ​သီ ပ​ရော​ဖဲစ်​ဖုံႏ​တဲင် ဗွေႏ​ဘု​ရာꩻ သ​တင်ꩻ​ဖေႏ​သား က​အွဉ်ႏ​စွꩻ​လွဉ် သီ​ထျꩻ​နဝ်ꩻ တွမ်ႏ​လုံး​တူႏ နုဲင်ႏ​သီ​ထိုꩻ​ဒျာႏ နုဲင်း​မုဲင်ꩻ။ နုဲင်း​ဆျာ​မွူး က​ခို့ꩻ​အ​ပေႏ​ဖုံႏ အ​ဒေ့ꩻ​ဖုံႏ ဆꩻ​လ​အ​တွိုင်ꩻ ခွေ​မဉ်​တ​ဖော့​ခူ​ငါႏ​သီ လိုꩻ​ဖုံႏ​ကား​က​အဝ်ႏ ခွိုင်း​ကား​မုဲင်ꩻ၊ ကွဲႏ​တွော့ꩻ သီ​ဖေႏ​တ​ဖေါ့​တဝ်း​ခွေ။

ဗွိုန်​နုဲင်း​နဝ်ꩻ နေ​နေ သီ​အ​ထန်ႏ​နဝ်ꩻ အွဉ်ႏ​နယ်​မွေး​စွဉ်ႏ လိုꩻ​စွုမ်ႏ​ဖြာꩻ အ​ဟဝ်၊ ကွဲႏ​တွော့ꩻ သီ​ကောင်း​ကို​ဖဲ့ꩻ​နဝ်ꩻ အဝ်ႏ​ဗွေ​သော့ꩻ​ဒျာႏ သူႏ​တောႏ​လိန်ႏ​လဲဉ်​တွမ်ႏ အ​ပဲစ်​ဖုံႏ​သွူ။