ខគម្ពីរពេញនិយមពី လုကာ 8

ចែក​រំលែក

အ​ခြွီ​ဖုံႏ က​ထဲ့​သော့ꩻ​ဒါႏ ဟံႏ​ဟဝ်​ကို​နဝ်ꩻ လိုꩻ​က​ဟွိုန် သ​တင်ꩻ​တ​ရာꩻ​ငဝ်း​တွော့ꩻ လ​က္ခံႏ​ဟဝ်​တဲင် လွောက်ꩻ​နာႏ သꩻ​ကို​နဝ်ꩻ​မꩻ ဝွေꩻ​သီး​ခံႏ​နွောင်ꩻ ဗꩻ​တွိုႏ​စွဉ်ႏ ဝွေꩻ​သီး အ​ရာႏ​ဖုံႏ ရာႏ​လွဉ်​နဝ်ꩻ​သွူ။

အ​ခြွီ​ဖုံႏ က​ထဲ့​လင်ꩻ​သော့ꩻ​ဒါႏ ထာꩻ​ဆူႏ​ပုန်​ခါႏ​နဝ်ꩻ လိုꩻ​က​ဟွိုန်​ဒါႏ တ​ရာꩻ​ငဝ်း​သား​ဖုံႏ ပွိုး​တွော့ꩻ ထာꩻ​စူႏ​ရိန်ႏ နန်း​ခီ​တွမ်ႏ ထာꩻ​ခြွေ​ချမ်ꩻ​သာႏ​ဖုံႏ​တွမ်ႏ မဉ်​စံႏ​စာꩻ ထာꩻ​စေꩻစိန်ႏ အဝ်ႏ​ဗဉ်ႏ​သော့ꩻ​ထိုꩻ ဝွေꩻ​သီး ဘ​ဝ​ကို​တဲင် ယိပ်ꩻ​ထိုꩻ​ဒျာႏ ဝွေꩻ​သီး​နဝ်ꩻ​မꩻ ဝွေꩻ​သီး​အ​ရာႏ​နဝ်ꩻ မုဲင်ꩻ​ခါ​တဲ့ တ​ဖြား​တဝ်း​ဖုံႏ​နဝ်ꩻ​သွူ။

ထာꩻ​ခြွီ​ဖုံႏ က​ထဲ့​လူး​ဒါႏ ဟံႏ​လုံး​လောင်း​နဝ်ꩻ လိုꩻ​က​ဟွိုန်​တ​ရာꩻ​ငဝ်း​တဲင် စွဉ်ႏ​သꩻ​ဟဝ်​သꩻ​ရေꩻ လ​က္ခံႏ​ရပ်​ဆွုမ်ႏ​ဒျာႏ​သွူ။ ကွဲႏ​တွော့ꩻ တ​ရာꩻ​နဝ်ꩻ တ​စွဲꩻ​လမ်ꩻ ယော့​သော့ꩻ​တဝ်း ဝွေꩻ​သီး အ​ကို​နဝ်ꩻ​သွူ။ ဝွေꩻ​သီး ယွုမ်း​ဒျာႏ တ​ဆင်ႏ​လွုမ်ꩻ ကွဲႏ​တွော့ꩻ ထွိုင်ႏ​မော့ꩻ ထာꩻ​စမ်ꩻ​ထွား ဖျော်​လွဉ်​ချိန်ႏ ဝွေꩻ​သီး ထဲ့​ညာꩻ​ထိုꩻ​ဒျာႏ​နဝ်ꩻ​သွူ။

နဝ်ꩻ​ထွူ ဝွေꩻ​ဗွေႏ​ဒေါ့ꩻ​ဖေႏ တ​ပဲ့​တောႏ​ဖုံႏ၊ “​သီ​ထာꩻ​ယွုမ်း အဝ်ႏ​မုဲင်ꩻ​ကို​ဟောင်း” နုဲင်း​နဝ်ꩻ​သွူ။ ဝွေꩻ​သီး အံႏ​ဖြာႏ​ငါႏ ငမ်း​သꩻ​ငါႏ​တဲင် တ​ဖြာꩻ​တွမ်ႏ​တ​ဖြာꩻ ဒေါ့ꩻ​ဖေႏ​လို့​ဝင်ꩻ၊ “​ပါꩻ​ယို​နဝ်ꩻ လိုꩻ​နုဲင်း​မုဲင်ꩻ​ဟောင်း။ ဝွေꩻ​မိန်း​ဖေႏ တ​လီꩻ​တွမ်ႏ ထီ​လဲင်ꩻ​တဲင် တ​လီꩻ​စွဉ်ႏ​ထီ​လဲင်ꩻ မွော့ꩻနာႏ​စွဉ်ႏ ဝွေꩻ​ဗွေႏ​ငဝ်း​နုဲင်း​မုဲင်ꩻ” နုဲင်း​နဝ်ꩻ​သွူ။

အ​ခြွီ​ဖုံႏ က​ထဲ့​လင်ꩻ​ဒါႏ တ​ဖူꩻ​လောင်း​နဝ်ꩻ မဉ်​ရိုꩻ​ဒျာႏ လိုꩻ​က​ဟွိုန်​ဗာႏ​ဒါႏ တ​ရာꩻ​သား​ဖုံႏ၊ ဝွေꩻ​သီး​သꩻ​ကို က​သိမ်ꩻ​ခါꩻ​ဒါႏ ထာꩻ​ယွုမ်း​တွမ်ႏ ထာꩻ​ကယ်ႏ​တင်ႏ​နဝ်ꩻ မာရ်ႏ​နတ်​လွဉ်​တဲင် တွမ်​ထူႏ​ညာꩻ​ထိုꩻ​ဒျာႏ ငဝ်း​သ​တင်ꩻ​ဖုံႏ​နဝ်ꩻ​သွူ။

“​ထာꩻ​က​အဝ်ႏ​ဗဉ်ႏ​ဗꩻ​ဒါႏ​ဖုံႏ ကား​က​အဝ်ႏ​နဝ်ꩻ အီႏ​ထင်ႏ​သျာꩻ​တဲင် နုဲင်း​ထာꩻ​က​အဝ်ႏ​ဒို့ꩻ​ခါꩻ​ဒါႏ ကား​က​အဝ်ႏ​နဝ်ꩻ အီႏ​ထီႏ​တွော့ꩻ အီႏ​ထင်ႏ​သျာꩻ​နဝ်ꩻ​သွူ။

ဝွေꩻ​မူႏ​က​မာꩻ​နဝ်ꩻ သေ​ထိုꩻ​လဲဉ်း​ကျောင်ꩻ ပါꩻ​မူႏ​ထွိုင်ႏ​ထီႏ ဝွေꩻ​မူႏ​လွဉ်​စွဉ်ႏ ထာꩻ​ငမ်း​သꩻ​တဲင် အွပ်ꩻ​လင်ꩻ​စွဉ်ႏ ဗွေႏ​ယေ​သျု ခင်ႏ​ထျꩻ​သွူ။ နဝ်ꩻ​ကို လိုꩻ​စွုမ်ႏ​ဖြာꩻ​ဆꩻ​ငါ​နဝ်ꩻ ပွိုး​တ​မုဲင်ꩻ ဝွေꩻ​မူႏ​ခွိုင်း​ဗာႏ ဝွေꩻ​ဗွေႏ​တွော့ꩻ ဝွေꩻ​မူႏ​ထာꩻ​ဆာ ဟဝ်​ရေꩻ​ထိုꩻ​လဲဉ်း တ​လဲင်ႏ​ချင်ꩻ​ကျောင်ꩻနဝ်ꩻ ဝွေꩻ​မူႏ ဒေါ့ꩻ​နယ်​ဖေႏ ဝွေꩻ​ဗွေႏ​သွူ။ ဗွေႏ​ယေ​သျု ဒေါ့ꩻ​ဖေႏ​ဝွေꩻ​မူႏ၊ “​ခွေ​ပို​မူႏ၊ နာꩻ​ထာꩻ​ယွုမ်း​နဝ်ꩻ မာꩻ​ဟဝ်​ရေꩻ​ထိုꩻ​လဲဉ်း နာꩻ​ထာꩻ​ဆာ​သွူ။ လွေꩻ​ငိမ်ꩻ​ချမ်ꩻ ခွꩻ​သꩻ​သွော့” နုဲင်း​နဝ်ꩻ​သွူ။

တ​ပဲ့​တောႏ​ဖုံႏ လွေꩻ​ထေ့ ဗွေႏ​ယေ​သျု​ထျꩻ​တဲင် တ​မာ​ထွိုင်ႏ ဝွေꩻ​ဗွေႏ​တွော့ꩻ​ရိုꩻ၊ “​ဗွေႏ၊ ဗွေႏ၊ နီ​အီႏ​ဗော့ꩻ​သီ​ထိုꩻ​သွူ” နုဲင်း​နဝ်ꩻ​သွူ။ ဗွေႏ​ယေ​သျု ထွိုင်ႏ​တဲင် ဖေႏ​တ​လီꩻ​တွမ်ႏ ထီ​လဲင်ꩻ အ​မိန်း​ထွူ၊ တ​လီꩻ​တွမ်ႏ ထီ​လဲင်ꩻ ယဉ်​လင်ꩻ​ထိုꩻ​စွဉ်ႏ​တဲင် နဝ်ꩻ​ကို​နဝ်ꩻ သာႏ​ယာႏ​စွဉ်ႏ​နဝ်ꩻ​သွူ။