ខគម្ពីរពេញនិយមពី လုကာ 7

ចែក​រំលែក

ခွေ​ဒေါ့ꩻ​ဖေႏ​နာꩻ ဝွေꩻ​မူႏ အ​ပဲစ်​တန်​ငါႏ စွ​ဥ်ႏ​တဲ့ လွစ်​ထိုꩻ​လဲဉ်း​ကျောင်ꩻ ဝွေꩻ​မူႏ အွဉ်ႏ​နယ် က​တန်​ငါႏ မေ​တ္တာႏ သက်​သေႏ​နဝ်ꩻ​သွူ။ ကွဲႏ​တွော့ꩻ ပါꩻ​မုဲင်ꩻ​အ​ပဲစ် လွစ်​ဆေ့ꩻ​တဲ့ အွဉ်ႏ​နယ်​ဆေ့ꩻ မေ​တ္တာႏ” နုဲင်း​နဝ်ꩻ​သွူ။ တွိုႏ​နဝ်ꩻ ဗွေႏ​ယေ​သျု မိန်း​ဖေႏ​ပါꩻ​မူႏ၊ “​နာꩻ​အ​ပဲစ်​လွစ်​လဲဉ်း” နုဲင်း​နဝ်ꩻ​သွူ။

ကွဲႏ​တွော့ꩻ ဗွေႏ​ယေ​သျု မိန်း​ဖေႏ​ပါꩻ​မူႏ၊ “​နာꩻ​ထာꩻ​ယွုမ်း​နဝ်ꩻ ကယ်ႏ​လဲဉ်း​နာꩻ။ လွေꩻ​ငိမ်ꩻ​ချမ်ꩻ ခွꩻ​သွော့” နုဲင်း​နဝ်ꩻ​သွူ။

အုံ​ထွိုင်ႏ ဗွေႏ​ယေ​သျု​ဆꩻ​ချာ ဝွေꩻ​ဗွေႏ ခင်ႏ​ထျꩻ​တွော့ꩻ ငွိုး​ထာꩻ​တဲင် ဝွေꩻ​မူႏ​မဲ့​ထီ​ဖုံႏ​နဝ်ꩻ စဝ်ႏ​စွဉ်ႏ ဝွေꩻ​ဗွေႏ​ခင်ႏ​နဝ်ꩻ​သွူ။ နဝ်ꩻ​ထွူ ဝွေꩻ​မူႏ​နဝ်ꩻ စွဉ်ႏ​ဝွေꩻ​က​လူꩻ ဒွိုတ်ꩻ​သဲင်​ထိုꩻ​ဖေႏ ဝွေꩻ​ဗွေႏ​ခင်ႏ​တဲင် နို့ꩻ​စွဉ်ႏ ခင်ႏ​ဖုံႏ​တွော့ꩻ နမ်း​မန်ꩻ​ဟွမ်​နဝ်ꩻ ထောက်ꩻ​လူး​ဖေႏ​စွဉ်ႏ ခင်ႏ​ဖုံႏ​သွူ။

ခွေ​သွဉ်း​ထင်း ခွေ​သွဉ်း​နမ်း က​အီႏ​လွဉ်​ထေ့ နီ​ဗွေႏ​ထျꩻ​ငါ​တဲ့ ထွိုက်​တန်ႏ​တဝ်း နေ​နေ​သွူ။ ဖေႏ​နေး​ငါ အ​မိန်း​ငါ​တဲ့ ခွေ​သွဉ်း အ​သွဉ်း​ယို အီႏ​ဟဝ်​ရေꩻ​ဒျာႏ​သွူ။ ခွေ​သွဉ်း​တဲ့ အဝ်ႏ​ထွာ အာႏ​ဏာႏ အ​ထိုꩻ​သွတ်ꩻ​သား​ဖုံႏ စူ​ဆꩻ​လ အာႏ​ဏာႏ​ပဲင်ႏ​သား တ​ဖြာꩻ​တဲင် ခွေ​သွဉ်း ဆꩻ​လ​နဝ်ꩻ​တဲ့ ခွေ​သွဉ်း စဲ့ꩻ​သား​ဖုံႏ အဝ်ႏ​သွူ။ ခွေ​သွဉ်း​ဖေႏ​အ​မိန်း၊ အ​ဖြာꩻ​ယို၊ ‘​လွေꩻ’ ဟုဲင်း​နုဲင်း​နဝ်ꩻ​နဝ်ꩻ ဝွေꩻ​လွေꩻ​ဗာႏ​သွူ။ ခွေ​သွဉ်း​ဖေႏ​အ​မိန်း အ​ဖြာꩻ​နဝ်ꩻ၊ ‘​လွဉ်​ဟုဲင်း’ နုဲင်း​နဝ်ꩻ​တဲ့ ဝွေꩻ​လွဉ်​ဗာႏ၊ နဝ်ꩻ​မꩻ ခွေ​သွဉ်း​မဉ်ႏ​မိန်း​ဖေႏ သွဉ်းအဖြာꩻ၊ ‘​မာꩻ​ယို​ဟုဲင်း’ တဲင်​ဝွေꩻ​မာꩻ​ဗာႏ” နုဲင်း​နဝ်ꩻ​သွူ။ ဗွေႏ​ယေ​သျု ထွိုင်ႏ​ဟွိုန် ငဝ်း​နုဲင်း​ယို​ချိန်ႏ​နဝ်ꩻ ဝွေꩻ​ဗွေႏ အံႏ​ဖြာႏ​ငါႏ​သွူ။ ဝွေꩻ​ဗွေႏ ခွယ်​လဲ့​ချာ​တဲင် ဒေါ့ꩻ​ဖေႏ လိုꩻ​စွိုꩻ​ဖုံႏ က​အဝ်ႏ​လွေꩻ​လွဉ်ꩻ​ဒါႏ ဝွေꩻ​ဗွေႏ၊ “​ခွေ​ဒေါ့ꩻ​ဖေႏ​သီ၊ ဣ​သ​ရေး လိုꩻ​မျိုꩻ​ဖုံႏ​ကို​စွဉ်ႏ​တဲ့ ထာꩻ​ယွုမ်း ဗွိုန်​နုဲင်း​ယို​နဝ်ꩻ မုဲင်ꩻ​ခါ​တဲ့ ခွေ​တ​ထီႏ​ဖို​တဝ်း” နုဲင်း​နဝ်ꩻ​သွူ။

အ​ချိန်ႏ​နဝ်ꩻ​နဝ်ꩻ ဗွေႏ​ယေ​သျု အဝ်ႏ​လုမ်ꩻလာꩻ မာꩻ​ဟဝ်​ဖေႏ လိုꩻ​အာ​ဖုံႏ အ​ထာꩻ​ဆာ၊ ရောႏ​ဂါႏ​ဖုံႏ​တွမ်ႏ လူꩻ​ကုဲင်​စောင်ꩻ​ဖုံႏ အာ​ငါႏ​တဲင် မာꩻ​ဖေႏ လိုꩻ​မဲ့​ခေ့ꩻ​ဖုံႏ ဖေႏ​က​ထီႏ​ချာ​နဝ်ꩻ အာ​ငါႏ​သွူ။ ဝွေꩻ​ဗွေႏ လဝ်း​ချာ ယော​ဟန် သ​တင်ꩻ​ဖေႏ​သား​ဖုံႏ၊ “နုဲင်း​သီ​က​ထီႏ​ဗာႏ​လဲဉ်း​တွော့ꩻ က​ဟွိုန်​ဗာႏ​လဲဉ်း​ဖုံႏ​နဝ်ꩻ သဲင်ꩻ​ချာ​တဲင် ဒေါ့ꩻ​နယ်​ဖေႏ​သွော့ ယော​ဟန်။ လိုꩻ​မဲ့​ခေ့ꩻ​ဖုံႏ ထီႏ​လွဉ်​နွောင်ꩻ​လဲဉ်း၊ လိုꩻ​မာႏ​ရေႏ​ဖုံႏ ထောင်​လွေꩻ​နွောင်ꩻ​လဲဉ်း၊ လိုꩻ​က​ခံႏ​စာꩻ​ဗာႏ အ​တွတ်ꩻ ရောႏ​ဂါႏ​သား​ဖုံႏ မာꩻ​ကြောင်း​စင်​ဖေႏ​လဲဉ်း​သွူ။ လိုꩻ​နား​အွိုင်​ဖုံႏ ဟွိုန်​နွောင်ꩻ​လဲဉ်း၊ လိုꩻ​သီ ထွိုင်ႏ​မွန် လွ​ဥ်​ချာ​ယင်း​တဲင် သ​တင်ꩻ​ဟဝ် တ​ရာꩻ​နဝ်ꩻ ဟော်ꩻ​ဖေႏ​လဲဉ်း​သွူ လိုꩻ​ကေန်ꩻ​ခြော​ဖုံႏ​သွူ။