ខគម្ពីរពេញនិយមពី လုကာ 6

ចែក​រំលែក

တွမ်ႏ​သွိုန်ႏ​သꩻ​ပါ​ပါ ဖေႏ​သွော့​လိုꩻ​လင်​ဖုံႏ၊ နဝ်ꩻ​မꩻ ဗွေႏ​ဘု​ရာꩻ​တဲ့ အီႏ​ဖေႏ​သီ​သွူ။ စွဉ်ႏ​စေႏ​တ​နာႏ သꩻ​စင်​ဗွာ​တ​ဗာႏ စွဲ​ကို​သွော့၊ သီ​အီႏ​လ​က္ခံႏ​လꩻ ဗွေ​ဗွေ​တဲင် ဗွေႏ​ဘု​ရာꩻ အီႏ​ထောက်ꩻ​သော့ꩻ ဗွေ​ဗွေ​ဖေႏ​ဒျာႏ သီ​စူ​ကို​ဖုံႏ ကား​က​အဝ်ႏ​နဝ်ꩻ​သွူ။ နုဲင်း​သီ​က​တွိုင်​ဖေႏ​ဝင်ꩻ အ​တွိုင်ꩻ​နဝ်ꩻ ဗွေႏ​ဘု​ရာꩻ​တဲ့ အီႏ​ဖေႏ​သီ နဝ်ꩻ​အ​တွိုင်ꩻ​လွုမ်ꩻ​သွူ။

လိုꩻ​ဟဝ်​ဖုံႏ​နဝ်ꩻ ထေ​ထန်ႏ​လွဉ်​ဒျာႏ ထာꩻ​ဟဝ်​ဖုံႏ က​အဝ်ႏ​စု​သော့ꩻ​ဒါႏ ဝွေꩻ​သီး​သꩻ​ကို​နဝ်ꩻ​သွူ။ လိုꩻ​ကုဲင်​တ​ဖြာꩻ​နဝ်ꩻ ထေ​ထန်ႏ​လွဉ်​ဒျာႏ ထာꩻ​ကုဲင် က​အဝ်ႏ​စု​သော့ꩻ​ဒါႏ ဝွေꩻ​အ​သꩻ​ကို နဝ်ꩻ​သွူ။ ပွိုး​တွော့ꩻ နုဲင်း​ဝွေꩻ​သꩻ​ကို က​အဝ်ႏ​ဗွေ​အ​တွိုင်ꩻ ဒေါ့ꩻ​ထန်ႏ​လွဉ် ဖြောင်း​ကို​နဝ်ꩻ​သွူ။

တွမ်ႏ​မာꩻ​မွိုန်း နုဲင်း​နဝ်ꩻ​ဟုဲင်း။ ရက်​သွော့ သီ​ရန်ႏ​ဖုံႏ​တဲင် မာꩻ​ဟဝ်​ဖေႏ​သွော့ ဝွေꩻ​သီး​ဟုဲင်း။ ဖေႏ​လ​တွော့ꩻ တွမ်ႏ​အဝ်ႏ​မောင်ꩻ​မွိုန်း​တဝ်း အီႏ​လꩻ​ချာ​ဟုဲင်း။ တွိုႏ​နဝ်ꩻ သီ​အီႏ​လꩻ ဆု​အ​ကျိုꩻ တန်​ငါႏ​တဲင် သီ​အီႏ​ထွာ အ​ထို​သွတ်ꩻ ဗွေႏ​ဘု​ရာꩻ ပို​ဖုံႏ​နဝ်ꩻ​သွူ။ လိုꩻ​တ​သေ​တဝ်း ကေꩻဇူꩻ​တွမ်ႏ လိုꩻ​မွိုက်​ကုဲင်​ဖုံႏ အ​လောင်း​နဝ်ꩻ ပွိုး​ဝွေꩻ​ဗွေႏ ဟဝ်​မျတ်​ဖေႏ​လဲဉ်း အ​တွက်​သွူ။

ဗွိုန်​နုဲင်း​သီ​ဖါ က​အွဉ်ႏ​ဒါႏ က​ရု​ဏာႏ ထာꩻ​သꩻ​ညင်ꩻ​နဝ်ꩻ အွဉ်ႏ​သွော့ က​ရု​ဏာႏ ထာꩻ​သꩻ​ညင်ꩻ​ဟုဲင်း။

“​စီႏ​ရင်ႏ​မွိုန်း​တဝ်း လိုꩻ​လင်​ဖုံႏ၊ နဝ်ꩻ​မꩻ ဗွေႏ​ဘု​ရာꩻ​တဲ့ အီႏ​တ​စီႏ​ရင်ႏတဝ်း သီသွူ။ ပဲစ်​ဒင်ႏ မွိုန်း​တဝ်း​လိုꩻ​လင်၊ နဝ်ꩻ​မꩻ ဗွေႏ​ဘု​ရာꩻ​တဲ့ အီႏ​တ​ပဲစ်​ဒင်ႏ​တဝ်း သီ​သွူ။ အွဉ်ႏ​စွꩻ​ဖေႏ​သွော့ လိုꩻ​လင်​ဖုံႏ​အ​ပဲစ်၊ နဝ်ꩻ​မꩻ ဗွေႏ​ဘု​ရာꩻ​တဲ့ အီႏ​အွဉ်ႏ​စွꩻ​လွစ်​ဖေႏ သီ​အ​ပဲစ်​နဝ်ꩻ​သွူ။

“​ကွဲႏ​တွော့ꩻ လိုꩻ​က​ဟွိုန်​နာႏ​ဒါႏ ခွေ​တ​ရာꩻ​သား​နဝ်ꩻ ခွေ​ဒေါ့ꩻ​ဖေႏ​သီ။ ရက်​သွော့ သီ​ရန်ႏ​သူႏ​ဖုံႏ၊ လိုꩻ​က​လွꩻ​ထီႏ​ဒါႏ သီ​နဝ်ꩻ မာꩻ​ဖေႏ​သွော့ ထာꩻ​ဟဝ်။ လိုꩻ​က​စိန်ႏ​တ​ရေႏ​ဒါႏ သီ​နဝ်ꩻ ဖေႏ​သွော့​မင်္ဂ​လာႏ၊ လိုꩻ​က​စောက်ꩻ​ကာႏ​ဒါႏ သီ​နဝ်ꩻ ဆု​တောင်ꩻ​ဖေႏ​သွော့။

သီ​တာႏ နုဲင်း​သီ​က​မဉ်​အွဉ်ႏ ဝွေꩻ​သီး မာꩻ​ဖေႏ​အ​တွိုင်ꩻ​နဝ်ꩻ မာꩻ​ဖေႏ​သွော့ လိုꩻ​လင်​ဟုဲင်း။

ပါꩻ​တ​ဖြာꩻ မဉ်ႏ​တ​ဗꩻ သီ​ဗုဲင်ႏ​တ​ဖဲ့ꩻ​နဝ်ꩻ အွဉ်ႏ​ဝွေꩻ​တ​ဗꩻ​ပါ​က အ​လင်​တ​ဖဲ့ꩻ​ဟုဲင်း။ ပါꩻ​တ​ဖြာꩻ​ဖြာꩻ မဉ်ႏ​ထူႏ​ထိုꩻ သီ​ဆဲင်ꩻ​တန် တ​ဖွူꩻ​နဝ်ꩻ ဖေႏ​ပါ​က​ဝွေꩻ ဆဲင်ꩻ​ဆုပ်ꩻ​နဝ်ꩻ​ဟုဲင်း။ ပါꩻ​က​ကွီ​ဒါႏ သီ​ထာꩻ​ခြိုꩻ တ​စွိုး​စွိုး​နဝ်ꩻ ဖေႏ​သွော့ စွုမ်ႏ​ဖြာꩻ​တဲင် ပါꩻ​တ​ဖြာꩻ​ဖြာꩻ က​ထူႏ​ထိုꩻ​ဒါႏ သီ​ထာꩻ​ခြိုꩻ​နဝ်ꩻ တွမ်ႏ​ကွီ​ချာ​မွိုန်း။

“​သေင်ႏ​မွူး​ဟဝ် တ​မွူး​နဝ်ꩻ တ​ရာႏ​တဝ်း အ​ရာႏ​ညံး၊ သေင်ႏ​မွူး​ညံး တ​မွူး​နဝ်ꩻ တ​ရာႏ​တဝ်း အ​ရာႏ​ဟဝ်​နဝ်ꩻ​သွူ။

စွဉ်ႏ​က​ရာႏ​ဒါႏ အ​ရာႏ​နဝ်ꩻ သေ​အီ သေင်ႏ​မွူး စွုမ်ႏ​မွူး​နဝ်ꩻ​သွူ။ ထာꩻ​ဆူႏ​မွူး​ဖုံႏ​လောင်း​နဝ်ꩻ သီ​တ​ဒဲ့ꩻ​ဗာႏ​တဝ်း ဖက်ꩻ​ဒွိုႏ​ဆꩻ​ရာႏ မဉ်ႏ​မွေး​တဝ်း၊ ထာꩻ​ဆူႏ​ပင်​ဖုံႏ​လောင်း​နဝ်ꩻ သီ​တ​ဒဲ့ꩻ​ဗာႏ​ဖို​တဝ်း တ​ဗဲစ်​ရာႏ​ဖုံႏ​နဝ်ꩻ​သွူ။