ខគម្ពីរពេញនិយមពី လုကာ 5

ចែក​រំលែក

ဝွေꩻ​ဗွေႏ​အွဉ်ႏ​ထွူ​ထိုꩻ ထာꩻ​ဒေါ့ꩻ​ချိန်ႏ ဝွေꩻ​ဗွေႏ​ဒေါ့ꩻ​ဖေႏ သိ​မုန်၊ “​ဖြီ​နဝ်ꩻ ဝါး​ဖြုဲင်ꩻ​ထန်ႏ​ငါ​သော့ꩻ ထီ​ယော့​ကို​တဲင် နာꩻ​စွဉ်ႏ​နာꩻ​သွꩻ​ဖုံႏ ဖေႏ​က​ဆွမ်ꩻ​လꩻ​ထ​နဝ်ꩻ ဝန်ႏ​လင်ꩻ​သီ​ခြယ်​ဟုဲင်း” နုဲင်း​နဝ်ꩻ​သွူ။

သိ​မုန်​လဝ်း​ချာ၊ “​ဗွေႏ၊ နီ​ကျိုꩻ​စာꩻ​ဆွမ်ꩻ​လဲဉ်း​သွူ တ​ဟာ​သူႏ​သူႏ​စွဉ်ႏ​တဲ့ တ​လꩻ​တဝ်း တ​မုဲင်ꩻ​မုဲင်ꩻ​သွူ။ ကွဲႏ​တွော့ꩻ နီ​ဗွေႏ​မဉ်ꩻ​ရိုꩻ နုဲင်း​နဝ်ꩻ​တဲ့ ခွေ​သွဉ်း အီႏ​ဝန်ႏ​လင်ꩻ​ခြယ်” နုဲင်း​နဝ်ꩻ​သွူ။ ဝွေꩻ​သီး​ဝန်ႏ​လင်ꩻ အ​ခြယ်​တဲင် ဆွမ်ꩻ​လ​ထ​ပေႏ အ​ဗာႏ​အာ​ငါႏ နဝ်ꩻ​မꩻ ခြယ်​လဲင်ꩻ​အီႏ​သဲ့ ထိုꩻ​နေး​စွဉ်ႏ​နဝ်ꩻ​သွူ။

ကွဲႏ​တွော့ꩻ နုဲင်း​ဝွေꩻ​ဗွေႏ က​အဝ်ႏ​မာꩻ​သေႏ​သေႏ​ဒါႏ အ​တွိုင်ꩻ​နဝ်ꩻ လွေꩻ​ညာꩻ​ထိုꩻ ခင်ႏ​လမ်း​ယဉ်​ကို​တဲင် ဆု​တောင်ꩻ​ထင်ႏ​နဝ်ꩻ​သွူ။

အီႏ​ဟဲ့ꩻ လိုꩻ​ဂွုဏ်ႏ​သ​ရေႏ အဝ်ႏ​သား​ဖုံႏ ဖေႏ​က​လꩻ ထာꩻ​ကော့ꩻ​မာႏ​နဝ်ꩻ ခွေ​ကျွꩻ​လွဉ် တ​မွေး​တဝ်း၊ ကွဲႏ​တွော့ꩻ ကျွလွဉ်​ဒျာႏ လိုꩻ​ဝင်ꩻ​က​ပယ်ႏ​ထိုꩻ ဒါႏ​သား​ဖုံႏ​တာႏ” နုဲင်း​နဝ်ꩻ​သွူ။

ထွာ​ထာ​နုဲင်း​နဝ်ꩻ​နဝ်ꩻ သိ​မုန်​ပေ​တ​ရု​ထွိုင်ႏ​ထီႏ ဝွေꩻ​အုံ​ထောက်​လင်ꩻ ဗွေႏ​ယေ​သျု​ဆꩻ​ငါ​တဲင်​ဒေါ့ꩻ၊ “​ဗွေႏ၊ လွေꩻ​ညာꩻ​ညာꩻ​ထိုꩻ​သွော့ ခွေ​သွဉ်း​ဟုဲင်း၊ ခွေ​သွဉ်း​နဝ်ꩻ​ထွာ လိုꩻ​အဝ်ႏ​ဗွေ​စွဉ်ႏ အ​ပဲစ်​သား​တ​ဖြာꩻ” နုဲင်း​နဝ်ꩻ​သွူ။

ဗွေႏ​ယေ​သျု လဝ်း​ချာ​ဝွေꩻ​သီး၊ “​လိုꩻ​အုံ​ဟဝ် ခြွိုင်ႏ​သန်ꩻ​သား​ဖုံႏ​နဝ်ꩻ တ​အဝ်ႏ​လိုႏ​တဝ်း ဆ​ရာႏ​ဝွန်ႏ၊ ကွဲႏ​တွော့ꩻ လိုႏ​ဒျာႏ လိုꩻ​ဆော့​ဆာ​သား​လွုမ်ꩻ​သွူ။

ဝွေꩻ​သီး​ဖြီ​ဖုံႏ​နဝ်ꩻ နွန်ႏ​ထင်ႏ​ဖင်ႏ​လောင်း​တွော့ꩻ အွဉ်ႏ​ကုဲင်​လို့​စွဉ်ႏ​တဲင် လွေꩻ​လွဉ်ꩻစွဉ်ႏ ဗွေႏ​ယေ​သျု​နဝ်ꩻ​သွူ။

တ​လဲင်ႏ​သား ဗွေႏ​ယေ​သျု​အဝ်ႏ​သော့ꩻ ဝေင်ꩻ​တ​ဖြုံႏ​ကို နဝ်ꩻ​ကို​နဝ်ꩻ ပါꩻ​ခို​တ​ဖြာꩻ အဝ်ႏ​ခံႏ​စာꩻ​ဗာႏ အ​တွတ်ꩻ​ရောႏ​ဂါႏ အဝ်ႏ​သွူ။ ဝွေꩻ​ထွိုင်ႏ​ထီႏ ဗွေႏ​ယေ​သျု​ချိန်ႏ ဝွေꩻ​အွပ်ꩻ​လင်ꩻ​တဲင် တောင်ꩻ​ပြန်ႏ​ဝွေꩻ​ဗွေႏ၊ “​ဗွေႏ၊ နီ​ဗွေႏ​အ​လိုႏ​တောႏ မဉ်ႏ​အဝ်ႏ​နဝ်ꩻ နီ​ဗွေႏ မာꩻ​ကြောင်း​စင် ဖေႏ​နွောင်ꩻ​ခွေ​သွဉ်း” နုဲင်း​နဝ်ꩻ​သွူ။ ဗွေႏ​ယေ​သျု ယောင်း​ထန်ႏ​အ​စူ​တဲင် ခွိုင်း​စွဉ်ႏ​ဝွေꩻ​သွူ။ ဝွေꩻ​ဗွေႏ​လဝ်း​ချာ၊ “​ခွေ​အ​လိုႏ​တောႏ​အဝ်ႏ၊ ယံ​က​ကြောင်း​စင်​သွော့”၊ နုဲင်း​နဝ်ꩻ​တဲင် တ​လဲင်ႏ​ချင်ႏ ပါꩻ​ခို​နဝ်ꩻ ရောႏ​ဂါႏ​ဟဝ်​ထိုꩻ​စွဉ်ႏ နဝ်ꩻ​သွူ။

ကွဲႏ​တွော့ꩻ ပွိုင်း​ဝွို့​တွမ်ႏ ဗွေႏ​ယေ​သျု​ခ​ရာႏ ငဝ်း​သ​တင်ꩻ​နဝ်ꩻ က​ယိန်း​စွစ်ꩻ​လီ​ထဲင်း​တဲင် ဖေႏ​က​ဟွိုန် ဝွေꩻ​ဗွေႏ​တ​ရာꩻတွော့ꩻ ဖေႏ​က​လုမ်ꩻလာꩻ မာꩻ​ဟဝ်​ဖေႏ ဝွေꩻ​သီး​ရောႏ​ဂါႏ​ဖုံႏ​နဝ်ꩻ လိုꩻ​ပ​ရိတ်​သတ်​စွိုꩻ​ဖုံႏ ဖျော်​လွဉ်​စွဉ်ႏ​နဝ်ꩻ​သွူ။