ខគម្ពីរពេញនិយមពី གཉིད་པ་ཀོ་རིན་ཐི། 4

ចែក​រំលែក

ཨོ་ཉི་ཨ་དེན་གེ་ ཨ་ཤི་ཐོང་མེ་རེ་ཁཱན་བ་ཀ་ གོད་པེ་མང་གི་ཝ་ ཐོང་མེ་མར་ཁཱན་བ་ཀ་དེན་གེ་ གོད་ཅ་གི༌ལ། ཧང་ཡ་དག་ནེ་ལ་ ཐོང་མེ་རེ་ཁཱན་བ་ཤོ་ རེབ་ཀིན་ཐུར་ག་དེན་གེ་ཤ་གི༌ལ། དག་པ་ཀབ་ཉི་ ཐོང་མེ་མར་ཁཱན་བ་ཤོ་ མ་འགྱུར་བརྟན་པ་ག་དེན་གེ་གི༌ལ༎

ཨོ་ཉི་ཨ་དེན་གེ་ ཨ་ཤི་ཧ་ལ་རང་ ཐུབ་ཐ་ལུ་མཱན༌ཅ། ཨ་ཧ་ལུས་པུ་ ཤིན་ཐཱན་རང་གི་ནེ་བུ་ ཨ་ཧ་རྣམ་ཤེས་ཁེ་པ་ ནོང་དྲང་རང་ སིང་མ་རི་ལེ་གང༌ཅ། ཧང་ཡ་དག་ནེ་ལ་ ཨ་ཤི་ཨོ་མ་ དཀའ་ཝ་ཅཱད་ཁཱན་ཁེ་པ་ ཟེ་མུ་ཤ་གི༌ལ། ཉི་དཀའ་ཝ་ཅཱད་པུ་ཅཱད་ས་རང་མ་ཆོ༌ལ། དག་པ་ཀབ་ཉི་ དཀའ་ཝ་ཅཱད་ཅ་ཨ་ཉི་ ཧང་གི་རང་ དོ་ལེ་མར་ཁཱན་ གཟི་བརྗིད་ཆི་ལུ་ག་དེན་གེ་ ཨ་ཧ་བ་ཅམ་ཅ་གི༌ལ། ཉི་ཨོ་ཉ་གཟི་བརྗིད་ཤོ་ ཧ་ལ་རང་ ཆུ་མེ་དག་ཉི་མཱན༌ཅ།

ཨོ་གེ་ཨ་ནེ་བུ་ ཨ་ཧ་བ་ཐུང་མ༌ཅ། དག་པ་ཀབ་ཉི་ ཟོ་ཕེ་ཏ་མར་བ༌ཅ། ཨ་ཧ་བ་ ཧང་རང་ ཨ་ལེ་མ་སེ་ཝ་རི་ཝ༌ཅ། དག་པ་ཀབ་ཉི་ ཨོ་ཉེ་རང་གི་ནེ་བུ་ ཨ་ཤི་ཐུབ་མ་ཐ་ཝ༌ཅ། ཨ་ཧ་བ་ གནམ་མེད་ས་མེད་ ཀ་ལུ་ཏཱད་པ༌ཅ། དག་པ་ཀབ་ཉི་ ཨའི་ཧ་ལ་རང་ ཐུབ་མ་ཐ་ཝ༌ཅ། ཨ་ཧ་བ་ཐང་ཉི་གེམ༌ལ། ཨོ་ཉེ་རང་གི་ནེ་བུ་ ཨའི་མ་ཤི་ཝ༌ཅ།

དག་པ་ཀབ་ཉི་ གཟི་བརྗིད་ག་ སྟོབས་དབང་ཁེ་པ་ ཨའི་ཏེན་ག་མང་གི་ཝ་ དཀོན་མཆོག་གེ་གི་ཝ་ལ་དག་ཉི་ ཐམས་ཅན་གི་ སེན་ཆེན་དག་པ་གི་ ཨོ་ཐ་རྒྱུ་ནོར་ཁེ་པ་ མེ་པ་དི་ཁཱན་ ཨ་ཧ་ལུས་པུ་ནང་ཀ་ སག་པ༌ཅ།

དཀོན་མཆོག་པུརུས་ཀིན་རང་ཆོ་ཁཱན་ ཁིརིས་ག་འཐེན་ལེག་པུ་ག་ གཟི་བརྗིད་ག་འོད་ཟེར་ཁེ་པ་ མ་མཇལ་ཆེན་དག་པ་གི་ དད་པ་མ་ཨ་ཁཱན་བ་ཀ་མིང་ ཨོ་ཐ་འཛམ་གླིང་ག་ ལྷ་གི་བུག་ཉི་ཐ་ཝ༌ཅ།

ཧང་ཡ་དག་ནེ་ལ་ མེར་བུ་ནང་ཀ་ འོད་ཟེར་ཤར་ཆེན་དག་ཉི་ གསུངས་ཁཱན་ དཀོན་མཆོག་གི་ ཨ་ཧ་ནང་ཀ་ རོ་ཀ་འོད་ཟེར་ ཤར་ཉི་གནང༌མ། ཉི་ཨུ་ཉུ་ཤོ་ ཁིརིས་ག་ཞལ་ག་ཤར་ཁཱན་ འོད་ཟེར་ཁེ་པ་ དཀོན་མཆོག་ག་ གཟི་བརྗིད་གི་ལ་དག་ཉི་ ཨ་ཤི་ཧ་གོན་ཆེན་དག་པ་གི་གི༌ལ།