ខគម្ពីរពេញនិយមពី Wurtaago 7

ចែក​រំលែក

Joomiraawo wi'i Muusa: Mi laatinte hande Alla yeeso Firawna. Mawniraawo maa Haruuna bo laatoo *annabiijo maa.

Min, mi yoorinan ɓerne Firawna, den mum mi waɗa haaynaareeji ɗuuɗɗi der leydi Misira. Firawna saloto hettinanaago on. Den mum, mi hollan himɓe leydi Misira baawɗe am, mi hiitoo ɓe, mi wurtina himɓe am Isira'iilaaɓe diga leydi makko e tokkontirki hande soogeeji.

To mi hollii himɓe Misira baawɗe am, go burtinmi himɓe Isira'iila diga caka maɓɓe, den mum, ɓe annitan no mi laati nun Joomiraawo.

Ɗon nun Firawna bo noddi wooduɓe annal, e lekkilankeeɓe, e yiitooɓe der leydi mum, ɓe gaɗi kamɓe bo hande no Muusa e Haruuna waɗi e dobo dobo maɓɓe. Moy fu e maɓɓe faɗɗi sawru mum, go ŋol waylitii boddi. Amma sawru Haruuna moɗi cabbi maɓɓe.

Joomiraawo wi'i, no annitirtaa no kanko nun Alla Joomiraawo woni, e sawru ŋol jogiimi e juunŋo am ŋol, mi fiyan diyam maayo Nili. Den mum, ɗam waylitoo ƴiiƴam.

To Firawna wi'ii on gaɗanon mo ko haaynii gom, bi'aa Haruuna etta sawru mum, faɗɗa ŋol yeeso Firawna, den mum ŋol waylitinto boddi. Muusa e Haruuna ummii yahi to Firawna, ɓe gaɗi ka Joomiraawo batunoo ɓe ɓe gaɗa. Haruuna faɗɗi sawru mum yeeso Firawna e yeeso himɓe mum, go ŋol waylitii boddi.