ខគម្ពីរពេញនិយមពី Wurtaago 8

ចែក​រំលែក

Amma nyanne mum, mi accataa ɗi naata der leydi Gosan to himɓe am tawaa, gam annitaa no min Alla Joomiraawo, mi na'on der leydi nin. Mi suttontiran himɓe am e himɓe maa. Jaaŋo nun haaynaare nen laatotoo.

Ɗon nun Joomiraawo wi'i kade Muusa: Batu Haruuna bi'aa o etta sawru makko o sappoo dow gooruuji e beele e ɓulli fu. Den mum, paaɓi wurtoo ɗi kebba leydi Misira fu.

Ɗon nun yiitooɓe ɓen wi'i Firawna: Juunŋo Alla e hoore mum nun waɗi ɗum ɗoo. Amma Firawna yoorini ɓerne mum. O salii nanango Muusa e Haruuna hande no Joomiraawo batunoo.

Haruuna forti juunŋo mum, sappii gooruuji leydi Misira, go paaɓi wurtii, hebbi leydi Misira fu.

Joomiraawo wi'i Muusa: Umma diga subaka kecco jahaa gooruwol, pottaa e Firawna, gam o yahan ton. Bataa mo bi'aa: Min Joomiraawo wi'i o yoofa himɓe am, gam ɓe jaha ɓe jagganoo am.

Firawna wi'i: Mi accan on jahon. Amma to on boɗɗee. To on jahii, du'anoɗon am min bo.