ខគម្ពីរពេញនិយមពី मरकुस 9

ចែក​រំលែក

ईशू बोलअ तेऊ लै, “ज़ै तूह करी सका; अह कै गल्ल हुई? विश्वास करनै आल़ै लै सका सोभ गल्ला हई।”

शोहरुए बाप्पू का छ़ुटै तेभी लेरा लाई आशू और तेऊ बोलअ, “हे ईशू, मुंह आसा विश्वास कि तूह सका मेरी मज़त करी पर मेरअ विश्वास निं मज़बूत आथी। तूह कर मेरी मज़त ताकि मेरअ विश्वास पाक्कअ होए।”

ज़ांऊं ईशू और तेऊए च़ेल्लै घरा लै आऐ ता तिंयां लागै ईशू का कांगनरांगै दी पुछ़दै, “हाम्हैं तेऊ भूता किल्है निं काढी सकै?” ईशू बोलअ तिन्नां लै, “इहै भूता सका तम्हैं सिधी प्राथणां करै काढी एतो निं होर किछ़ै लाज़ आथी।”

लूंण आसा ठीक पर ज़ै लूंणो सुआद लूंणअ नांईं होए ता सह किज़ू करै करनअ लूंणअ? आप्पू मांझ़ै रहा लूंणा ज़ेही साथ डाही करै मिल़ी-ज़ुल़ी।”

“ज़ुंण बी मेरै नांओंऐं इहै शोहरू लै झींण करे, सह करा मेरी कदर। ज़ुंण मेरी कदर करा सह निं सिधी मेरी कदर करदअ पर सह करा तेऊ परमेशरे कदर ज़ुंणी हुंह संसारा लै आसा छ़ाडअ द।”

ज़ुंण बी मसीहे समझ़ी करै तम्हां लै एक गलास पाणींओ पणैंऊंए तेऊ भेटणअ परमेशरा का तेतो फल।”

“ज़ुंण मुंह दी विश्वास करनै आल़ै का पाप कराऊआ तेऊ लै दैणीं परमेशरा सज़ा। च़ाऐ सह मणछ इना लान्हैं ज़िहअ किल्है निं होए। तेऊ लै हणअ त इहअ ठीक कि तेऊए गल़ै बडी टोल्ह बान्हीं करै पाणअ त सह समुंदरै।

“ज़ै तेरी आछी का कई गल्ला भाल़ी तूह पाप करा, तिन्नां पापा दी पाणै आल़ी गल्ला भाल़णैं का रह दूर। च़ाऐ ताह सह आछ पोर्ही किल्है निं पल़े काढणीं। कांणअ हई करै ई परमेशरे राज़ा दी डेऊणअ आसा ताल्है भलअ कि तूह दूई आछी संघै नरका दी पल़े।