ខគម្ពីរពេញនិយមពី मरकुस 8

ចែក​រំលែក

“किल्हैकि ज़ुंण बी एसा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, पर ज़ुंण मेरै खुशीए समादा और मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

“ज़ै कुंण मणछ सारै संसारा आपणैं बशै करी करै सेठ बणें पर आपणैं प्राण बरैबाद पाए ता तेऊ किज़ै फाईदअ हणअ?

ईशू शादै तिंयां लोग और आपणैं च़ेल्लै, सोभै ज़ण्हैं आप्पू सेटा लै। तेऊ बोलअ तिन्नां लै, “ज़ुंण बी मेरअ च़ेल्लअ हणअ च़ाहे, सह निं तिन्नां गल्ला करी सकदअ ज़ुंण तेऊओ दिल च़ाहा। तेऊ लागणअ अपराधी ज़िहअ दाह-दुख ज़िरी मेरी तैणीं मरना लै बी तैर रहणअ।

एसा गल्ले बारै सोठा कि मणछा लै आपणीं ज़ानीं का ज़ादै किम्मती किज़ै आसा? “ज़ै तम्हैं मुंह आपणअ प्रभू मनणै और मेरी शिक्षा मनणै का इहअ एसा डरै हुधिए कि एऊ ज़मानें पापी और कंज़रै लोगा करनअ थारअ सुहांग, तै हुधणअ तेभै मुंह मणछे शोहरू बी कि तम्हैं निं मेरै च़ेल्लै आथी ज़ेभै हुंह आपणैं पबित्र स्वर्ग दूता संघै पृथूई दी फिरी एछणअ। तेभै भाल़णअ सोभी मेरअ प्रतप ज़िहअ मेरै बाप्पूओ आसा।”

तेऊ पुछ़अ तिन्नां का, “तम्हैं किज़ै बोला? हुंह कुंण आसा?” पतरसै बोलअ, “तूह आसा मसीहा।”