ខគម្ពីរពេញនិយមពី मरकुस 10

ចែក​រំលែក

“हुंह मणछो शोहरू निं एते तैणीं आथी आअ द कि कुंण मेरी सेऊआ करे पर हुंह आसा एते तैणीं आअ द कि हुंह होरीए सेऊआ करे और सोभी लोगे छ़ुटकारै लै आपणैं प्राण दैए।”

ईशू बोलअ तिन्नां बाखा भाल़ी करै, “ज़ुंण मणछे भलै नांईं हई सकदअ, सह सका परमेशरे भलै हई।” (आयूब 42:2लुका 1:37)

ईशू बोलअ तेऊ लै, “डेऊ, तेरै विश्वासै हेरअ तूह बच़ाऊई।” तेऊ का लागअ तेभी शुझदअ और सह लागअ बातै ईशू पिछ़ू हांढदअ।

एतो मतलब आसा इहअ कि ज़ुंण परमेशरै ज़ोल़ै दै आसा, तिन्नां ज़ुदै करदै निं तम्हैं लागा।”

ईशू भाल़अ तेऊ बाखा लै संघा बोलअ तेऊ लै बडी झ़ूरी करै, “ताह दी आसा एकी गल्ले कामीं; डेऊ, ज़ुंण तेरअ आसा, तेऊ बांड गरीब लोगा लै और ताल्है भेटणअ तेरअ धन स्वर्गै, और तेखअ एछ तूह मुंह पिछ़ू।”

ईशू बोलअ तेऊ लै, “तूह किज़ै च़ाहा कि हुंह ताल्है करूं?” कांणै बोलअ ईशू लै, “हे गूरू, मेरी आछी कर ठीक मुखा लोल़ी शुझुअ।”

पर तम्हां मांझ़ै निं इहअ आथी, ज़ै तम्हां मांझ़ै कुंण बडअ हणअ च़ाहे, ता सह करे पैहलै थारी सेऊआ।

हुंह खोज़ा तम्हां का सत्त कि ज़ुंण आप्पू इना लान्हैं ज़िहअ परमेशरा का नांईं सभाल़ा सह निं परमेशरे राज़ा दी डेऊई सकदअ।”

“पर ज़ुंण एभै आप्पू बडै समझ़ा तिंयां हणैं काल्ला धैल़ी होछ़ै और ज़ुंण एभै होछ़ै नकदरै आसा तिंयां करनै काल्ला धैल़ी बडै।”

मणछ आसा पैहलै ई का परमेशरै मर्ध और बेटल़ी ई बणांऐं दै। (मूल़ 1:27मत्ती 19:4) तैही बोला परमेशर कि मणछ हणअ आपणैं आम्मां बाप्पू छ़ाडी आपणीं लाल़ी संघै एक। एही ता आसा तै बैह करनै आल़ै पैहलै दूई ज़ुदै-ज़ुदै मणछ, परमेशर मना तिन्नां दुही ऐबै एक मणछे रुपै, तैही च़ाहा सह कि तिंयां लोल़ी बैहा बाद सदा कठा रहै। “तैही निं तिंयां ऐबै दूई देही आथी पर तिंयां रहा एक देही बणीं। (मूल़ 2:24)