آیات محبوب کتاب مقدس از یوحنّا روایت 15

به اشتراک گذاشتن

من اوزوم آغاجی‌یام و سئز بوداقلارسیز. منده قالان و من اوندا قالان آدام چوخ میوه گتئرر؛ چونکی منسئز هچ بئر شی الئیه‌بئلمزسئز.

منده قالین و من ده سئزده قالاجاغام. نجه کی، بوداق آغاجدا قالمایینجا اؤز-اؤزوندن میوه وره بئلمز، سئز ده منده قالمایینجا میوه وره ‎بئلمزسئز.

اگر سئز منده قالاسیز و منئم سؤزلرئم سئزده قالسا، نه آرزی اله‌یئرسئز، ائسته‌یئن و سئزه ورئله‌جک.

سئز منی سچمه‌دئز، من سئزی سچدئم و تعیئن اله‌دئم کی، گدئب میوه گتئره‌سئز و گتئردئیئز میوه همئشه قالسین، اله کی منئم آدیمدا آتادان ائسته‌دئیئزی آتا سئزه ورسئن.

هچ کسده بوندان بؤیوک بئر محبّت اولا بئلمز کی، جانینی دوستلاری یولوندا فدا اله‌سئن.

منده اولوب میوه ورمه‌ین هر بوداغی، او، کسئب آتیر و میوه ورن هر بوداغی تمئزله‌یئر کی، آرتیق میوه ورسئن.

منئم حؤکموم بودور؛ سئزی سِودئیئم کئمی، سئز ده بئربئرئزی سوئن.

آتام سئزئن چوخ میوه گتئرمه‌یئز ائنن عئزّتله‌نئر و بوجور منئم شاگئردلرئم اولورسوز.

«من حقئقی اوزوم آغاجی‌یام و آتام باغباندیر.

منده قالمایان آدام، بوداق کئمی چؤله آتیلیب قورویار. ائنسانلار اولاری ییغیب اودا آتارلار و یاندیرارلار.

بو شیلری اونون اوچون سئزه دمئشم کی، منئم شادلیغیم سئزده قالسین و سئزئن شادلیغیز کامئل بئر شادلیق اولسون.

اگر منئم حؤکملرئمی یرئنه یتئره‌سئز، منئم محبّتئمده قالارسیز؛ نجه کی، من آتامین حؤکملرئمی یرئنه یتئرمئشم و اونون محبّتئنده قالیرام.

بو حؤکمی اونون اوچون سئزه ورئرم کی، بئربئرئزی سوه‌سئز.

اگر دونیادان اولسایدیز، دونیا سئزی اؤزونونکولری کئمی سِوَردی. آمّا سئز دونیادان دیئلسئز و من سئزی بو دونیادان سچمئشم. اونون اوچون ده دونیا سئزدن نئفرت اله‌یئر.