یوحنّا روایت 15
15
اوزوم آغاجی و بوداقلار
1«من حقئقی اوزوم آغاجییام و آتام باغباندیر. 2منده اولوب میوه ورمهین هر بوداغی، او، کسئب آتیر و میوه ورن هر بوداغی تمئزلهیئر کی، آرتیق میوه ورسئن. 3ائندی سئز، سئزه ددئیئم سؤزلره گؤره تمئزسئز. 4منده قالین و من ده سئزده قالاجاغام. نجه کی، بوداق آغاجدا قالمایینجا اؤز-اؤزوندن میوه وره بئلمز، سئز ده منده قالمایینجا میوه وره بئلمزسئز.
5من اوزوم آغاجییام و سئز بوداقلارسیز. منده قالان و من اوندا قالان آدام چوخ میوه گتئرر؛ چونکی منسئز هچ بئر شی الئیهبئلمزسئز. 6منده قالمایان آدام، بوداق کئمی چؤله آتیلیب قورویار. ائنسانلار اولاری ییغیب اودا آتارلار و یاندیرارلار. 7اگر سئز منده قالاسیز و منئم سؤزلرئم سئزده قالسا، نه آرزی الهیئرسئز، ائستهیئن و سئزه ورئلهجک. 8آتام سئزئن چوخ میوه گتئرمهیئز ائنن عئزّتلهنئر و بوجور منئم شاگئردلرئم اولورسوز.
9نجه کی، آتا منی سِوئب، من ده سئزی اله سومئشم؛ منئم محبّتئمده قالین. 10اگر منئم حؤکملرئمی یرئنه یتئرهسئز، منئم محبّتئمده قالارسیز؛ نجه کی، من آتامین حؤکملرئمی یرئنه یتئرمئشم و اونون محبّتئنده قالیرام. 11بو شیلری اونون اوچون سئزه دمئشم کی، منئم شادلیغیم سئزده قالسین و سئزئن شادلیغیز کامئل بئر شادلیق اولسون.
12منئم حؤکموم بودور؛ سئزی سِودئیئم کئمی، سئز ده بئربئرئزی سوئن. 13هچ کسده بوندان بؤیوک بئر محبّت اولا بئلمز کی، جانینی دوستلاری یولوندا فدا الهسئن. 14اگر هر نهیی کی سئزه حؤکم الهیئرم یرئنه یتئرهسئز، منئم دوستلاریمسیز. 15آرتیق سئزی قول چاغیرمیرام، چونکی قول آغاسینین نه اله دئینی بئلمز. سئزی دوست چاغیریرام، چونکی آتامدان اشئتدئیئم بوتون شیلری سئزه بئلدئردئم. 16سئز منی سچمهدئز، من سئزی سچدئم و تعیئن الهدئم کی، گدئب میوه گتئرهسئز و گتئردئیئز میوه همئشه قالسین، اله کی منئم آدیمدا آتادان ائستهدئیئزی آتا سئزه ورسئن. 17بو حؤکمی اونون اوچون سئزه ورئرم کی، بئربئرئزی سوهسئز.
دونیانین نئفرتی
18اگر دونیا سئزدن نئفرت الهسه، بئلئن کی، سئزدن قاباق مندن نئفرت الهیئب. 19اگر دونیادان اولسایدیز، دونیا سئزی اؤزونونکولری کئمی سِوَردی. آمّا سئز دونیادان دیئلسئز و من سئزی بو دونیادان سچمئشم. اونون اوچون ده دونیا سئزدن نئفرت الهیئر. 20سئزه ددئیئم سؤزی خاطیرلایین؛ ”قول آغاسیندان بؤیوک دیئل.“ اگر اولار منی اذئیّت الهدئلر، سئزی ده اذئیّت الئیه جکلر. اگر منئم سؤزلرئمی یرئنه یتئردئلر، سئزئن ده سؤزلرئزی یرئنه یتئرهجکلر. 21آمّا منئم آدیما گؤره بوتون بو شیلری سئزه الئیهجکلر، چونکی منی گؤندَرهنی تانیمیرلار. 22اگر گلئب اولار ائنان دانیشماسایدیم، گوناهلاری اولمازدی؛ آمّا ائندی گوناهلاری اوچون اولارا هچ بئر عوذر قالماییب. 23مندن نئفرت الهین، منئم آتامدان دا نئفرت الهیئر. 24اگر اولارین آراسیندا آیری آداملارین الئندن گلمهین ائشلری گؤرمهسَیدئم، گوناهلاری اولمازدی؛ آمّا ائندی اولار هم ائشلرئمی گؤروبلر و هم مندن، هم ده آتامدان نئفرت الهیئبلر. 25آمّا بو اولدی کی، شرئعتده یازیلمیش بو سؤز یرئنه یتئشسئن: ”مندن سببسئز نئفرت الهدئلر.“
26آتادان سئزه گؤندَرهجهیئم تسلّی ورن گلدئکجه منئم حاقّیمدا شهادت ورهجک. همن حقئقت روحی کی، آتادان چیخیب گلئر. 27و سئز ده منئم حاقّیمدا شهادت ورهجکسئز، چونکی باشلانیشدان من ائنن وارسیز.
اکنون انتخاب شده:
یوحنّا روایت 15: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
