آیات محبوب کتاب مقدس از یوحنّا روایت 16

به اشتراک گذاشتن

بو شیلری سئزه ددئم کی، منده باریشیز اولسون. بو دونیادا زحمت آلتینداسیز، آمّا جسور اولون! من دونیایا قالئب گلمئشم.»

آمّا او، یعنی حقئقت روحی گلنده، سئزی بوتون حقئقته هئدایت اِلئیه‎‌جک؛ چونکی او اؤزوندن هچ بئر شی دمه‌یه‌جک، بلکی نه اشئدئر، اولاری دئیه‌جک و گلن گونلرده اولاجاقلاری سئزه خبر وره‌جک.

ائندئیه کئمی منئم آدیمدا هچ بئر شی ائستمه‌یئبسئز؛ ائسته‌یئن و آلاجاقسیز کی، شادلیغیز کامئل اولسون.

آمّا حقئقتی سئزه دیئرم؛ منئم گتمه‌یئم سئزئن اوچون خیئرلی‌دئر. چونکی گتمه‌سم، تسلّی ورن سئزئن یانیزا گلمز؛ آمّا اگر گِتسَم، اونی سئزئن یانیزا گؤندَ‌ره‌رَم. او، گلدئیی زامان، دونیانین آداملارینا گوناهین نه اولدوغونی، صالحلئیئن نه اولدوغونی و تارینین موحاکئمه‌سئنئن نه اولدوغونی بئلدئره‌جک.

اله بله ائندی سئز ده قوصّه‌له‌نئرسئز، آمّا سئزی گئنه گؤره‌جه‌یم و اوره‌یئز سوئنه‌جک و هچ کئم سئزئن شادلیغیزی سئزدن آلمایاجاق. او گون مندن هچ بئر شی سوروشمایاجاقسیز. دوغروسونی سئزه دیئرم؛ آتادان هر نه کی منئم آدیمدا ائستیه‌سئز، سئزه وره‌جک.

دوغروسونی سئزه دیئرم، سئز آغلاییب یاس توتاجاقسیز آمّا دونیا شادلیق اِلئیه‎‌جک؛ سئز ماتم توتاجاقسیز، آمّا سئزئن ماتمئز شادلیغا دؤنه‌جک.