Y Beibl i Bawb: Cenhadaeth Duw i NiSampl

Mae angen Iesu ar y byd i gyd.

Dwedodd Iesu hyn yn glir iawn dro ar ôl tro, ond yn Mathew 28:18-20 rhoddodd y Comisiwn Mawr inni: “Wedyn dyma Iesu’n mynd atyn nhw ac yn dweud, “Dw i wedi cael awdurdod llwyr i reoli popeth yn y nefoedd ac ar y ddaear. Felly ewch i wneud pobl o bob gwlad yn ddisgyblion i mi, a’u bedyddio nhw fel arwydd eu bod nhw wedi dod i berthynas â’r Tad, a’r Mab a’r Ysbryd Glân. A dysgwch nhw i wneud popeth dw i wedi’i ddweud wrthoch chi. Gallwch chi fod yn siŵr y bydda i gyda chi bob amser, nes bydd diwedd y byd wedi dod.” (NIV).

Beth yw ein tasg? Mae'n "Ewch." Nid awgrym yw hwn! Nid yw'n ddewisol. Os wyt ti'n blentyn i Dduw, mae Duw yn disgwyl iti fynd.

Beth yw'r dasg? Ewch a gwnewch ddisgyblion. Disgybl yw rhywun sy'n gwneud y pum peth y cawsom ein rhoi ar y Ddaear i'w gwneud: adnabod a charu Duw, tyfu i aeddfedrwydd ysbrydol, gwasanaethu Duw â'ch doniau trwy weinidogaeth, rhannu'r Newyddion Da, ac addoli Duw â'ch holl galon.

Beth yw ein hawdurdod? Nid rhyw lywodraeth nac unrhyw bŵer daearol mohono. Iesu ydy o.

Beth yw ein cyfrifoldeb ni? Ydyn ni i fod i fynd a gwneud disgyblion o *rhai* cenhedloedd? Na. Pob cenedl. Ydy hynny'n cynnwys Syria? ~ Ydy. Ydy hynny'n cynnwys Gogledd Corea? Ydy. Ydy hynny'n cynnwys Iran? Ydy. Nid oes unrhyw genedl sydd allan o gyrraedd.

Beth mae'n ei olygu i ti? Os yw'r byd i gyd angen Iesu, yna rhaid i ti rannu'r Newyddion Da. Byddai ei gadw'n gyfrinach yn drosedd. Pe byddet ti'n gwybod yr iachâd ar gyfer clefyd Alzheimer neu AIDS neu ganser a heb iti ei rannu, byddai hynny'n drosedd. Ond mae gennym ni rywbeth hyd yn oed yn well na gwellhad ar gyfer clefyd.

Dŷn nii'n gwybod yr iachâd ar gyfer calon ddynol ac anghenion dyfnaf dynoliaeth. Maen nhw angen achubwr. Mae angen maddeuant arnyn nhw. Maen nhw angen maddeuant am eu gorffennol, pwrpas dros fyw, a chartref yn y nefoedd. Allwn ni ddim ei ddal yn ôl. Rhaid i ni ei rannu.

Mae Ioan 3:17 yn dweud, ”Oherwydd anfonodd Duw ei Fab i achub y byd, dim i gondemnio’r byd.”

Dw i am fod fel Iesu. Dw i am i ti fod fel Iesu. Mae angen i ni roi'r gorau i farnu'r byd a bod mor feirniadol. Gad i ni fynd ati i rannu'r Newyddion Da.

Ystyria…

- Os nad yw Duw wedi dy alw i symud i wlad arall a rhannu'r Efengyl, beth arall elli di ei wneud i gefnogi ei genhadaeth ledled y byd?

- Sut wyt ti'n meddwl y byddai dy gymdogion a'th gydweithwyr yn teimlo pe bydden nhw’n gwybod bod gen ti gyfrinach fywyd tragwyddol a ddim yn ei rannu â nhw?

- Pa ran o'r Comisiwn Mawr sy'n rhoi'r dewrder sydd ei angen arnat ti pan fyddi di'n ofnus neu'n nerfus i rannu'r Efengyl?