Isa 12
12
Re' tz'uuy t'iosb'al reh i Dios i xub'an chaloq
1Eh chupaam ponoq i q'iij re' re' je' wili taq i naa aq'orom:
Re' hoj naaqatz'uyem awach QaJaaw Dios,
ruum atoob' ta xayeew aajosq'iil chi qanaah,
yu'naak xik'ik chik.
Eh xayeew wo' chik suq kiil qak'ux.
2Ruum re' hat i qaDios ti ko'linik qeh,
ma' qohyo'jik taj, awuuk' i hat ch'iklik qak'ux.
Eh re' hat ti ye'wik rukowiil qak'ux,
re' hat inqatz'uyej awach,
hat qaj ko'loom, tiko'q taq.
3Eh chawunchelaal taq nee taq inooj a'an rusuqkiil
i ko'lemb'al iib' re' re' ruuk' suq kiil k'uxliis.
4Ruum i re' je' taq wili i naa aq'orom:
Chat'iosej, qaloq'ej taq i QaJaaw Dios ruuk' i xub'an,
cha q'or taq keh i tinamit,
eh cha q'or taq keh chi xa re' wo' reh xiik' naah nimaal wach chikiwach chu'nchel.
5Eh cha tz'uyej taq wach i QaJaaw Dios, ruum xiik' naah i nimaal wach taqe i rub'an,
eh chayeew taq chi naab'jik keh chu'nchel i tinamit.
6Re' taq i hat wilkaat taq Sión,
cha k'er taq aachii' chi tz'uuy ruum i rusuqkiil taq ak'ux,
ruum xiik' naah nimaal wach, wilik ruSantohiil taq aaDios wilik taq chaxilak.
Currently Selected:
Isa 12: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
