Popular Bible Verses from Isa 12

Share

Ruum re' hat i qaDios ti ko'linik qeh, ma' qohyo'jik taj, awuuk' i hat ch'iklik qak'ux. Eh re' hat ti ye'wik rukowiil qak'ux, re' hat inqatz'uyej awach, hat qaj ko'loom, tiko'q taq.

Eh chawunchelaal taq nee taq inooj a'an rusuqkiil i ko'lemb'al iib' re' re' ruuk' suq kiil k'uxliis.

Eh cha tz'uyej taq wach i QaJaaw Dios, ruum xiik' naah i nimaal wach taqe i rub'an, eh chayeew taq chi naab'jik keh chu'nchel i tinamit.

Ruum i re' je' taq wili i naa aq'orom: Chat'iosej, qaloq'ej taq i QaJaaw Dios ruuk' i xub'an, cha q'or taq keh i tinamit, eh cha q'or taq keh chi xa re' wo' reh xiik' naah nimaal wach chikiwach chu'nchel.

Eh chupaam ponoq i q'iij re' re' je' wili taq i naa aq'orom: Re' hoj naaqatz'uyem awach QaJaaw Dios, ruum atoob' ta xayeew aajosq'iil chi qanaah, yu'naak xik'ik chik. Eh xayeew wo' chik suq kiil qak'ux.

Re' taq i hat wilkaat taq Sión, cha k'er taq aachii' chi tz'uuy ruum i rusuqkiil taq ak'ux, ruum xiik' naah nimaal wach, wilik ruSantohiil taq aaDios wilik taq chaxilak.