Popular Bible Verses from ମାଥିଉଲିଖିତ 24

Share

ଅଧର୍ମର ବୃଦ୍ଧି ହେବା ସକାଶେ ଅନେକଙ୍କର ପ୍ରେମ ଶିଥିଳ ହୋଇବ। ମାତ୍ର ଯେ ଶେଷ ପର୍ଯ୍ୟନ୍ତ ଅଟଳ ରହିବ, ସେ ପରିତ୍ରାଣ ପାଇବ।

ସର୍ବଜାତି ନିକଟରେ ଏକ ସାକ୍ଷ୍ୟ ସ୍ଵରୂପେ, ରାଜ୍ୟର ଏହି ସୁସମାଚାର ସମଗ୍ର ଜଗତରେ ପ୍ରଚାର କରାଯିବ। ତା ପରେ ଆସିବ ଅନ୍ତିମକାଳ।

ତୁମେମାନେ ଯୁଦ୍ଧର ସମ୍ବାଦ ଓ ଯୁଦ୍ଧ, ବିଗ୍ରହର ଜନରବ ଶୁଣିବ, ମାତ୍ର ତଦ୍ଦ୍ୱାରା ଯେପରି ଶଙ୍କିତ ହେବ ନାହିଁ, ସେଥିପ୍ରତି ଦୃଷ୍ଟି ଦେବ। ଏସମସ୍ତ ଅବଶ୍ୟ ଘଟିବ, ତଥାପି ତାହା ଅନ୍ତିମକାଳ ନୁହେଁ।

ଜାତି ବିରୁଦ୍ଧରେ ଜାତି ଓ ରାଜ୍ୟ ବିରୁଦ୍ଧରେ ରାଜ୍ୟ ଉଠିବ ଏବଂ ନାନା ସ୍ଥାନରେ ଦୁର୍ଭିକ୍ଷ ଓ ଭୂମିକମ୍ପ ହେବ। ଏସମସ୍ତ ପ୍ରସବବେଦନାର ଆରମ୍ଭ ମାତ୍ର।

ଆକାଶ ଓ ପୃଥିବୀ ଲୋପ ପାଇବ, କିନ୍ତୁ ମୋହର ବାକ୍ୟସବୁ କେବେ ଲୋପ ପାଇବ ନାହିଁ।

କାରଣ ଅନେକେ ମୋ ନାମରେ ଆସି ମୁଁ ଖ୍ରୀଷ୍ଟ ବୋଲି ଦାବୀ କରିବେ ଓ ଅନେକଙ୍କୁ ବିଭ୍ରାନ୍ତ କରିବେ।

“ନିର୍ଯ୍ୟାତନା ଓ ବଧ କରିବା ପାଇଁ ତୁମ୍ଭମାନଙ୍କୁ ଧରାଇ ଦିଆଯିବ ଏବଂ ମୋ ନାମ ସକାଶେ ତୁମ୍ଭେମାନେ ସବୁ ଜାତି ଦ୍ଵାରା ଘୃଣିତ ହେବ। ସେତେବେଳେ ଅନେକେ ବିଶ୍ୱାସ ପଥରୁ ବିଚ୍ୟୁତ ହୋଇ ପରସ୍ପରକୁ ଘୃଣା କରିବେ ଓ ପରସ୍ପର ପ୍ରତି ବିଶ୍ୱାସଘାତକତା କରିବେ। ଅନେକ ଭଣ୍ଡ ଭାବବାଦୀ ଦେଖାଦେବେ ଓ ବହୁଲୋକଙ୍କୁ ବିଭ୍ରାନ୍ତ କରିବେ।

ଯୀଶୁ ସେମାନଙ୍କୁ କହିଲେ, “ସତର୍କ ଥାଅ! କେହି ତୁମ୍ଭମାନଙ୍କୁ ବିଭ୍ରାନ୍ତ ନ କରୁ।

ତେଣୁ ତୁମ୍ଭେମାନେ ମଧ୍ୟ ପ୍ରସ୍ତୁତ ଥାଅ, କାରଣ ଯେଉଁ ସମୟରେ ତୁମେ ମନୁଷ୍ୟପୁତ୍ରଙ୍କୁ ଅପେକ୍ଷା କରୁ ନ ଥିବ, ସେହି ସମୟରେ ସେ ଆସିବେ।

“ତେଣୁ ସତର୍କ ଥାଅ, କାରଣ ତୁମର ପ୍ରଭୁ କେଉଁ ଦିନ ଆସିବେ, ତାହା ତୁମେ ଜାଣ ନାହିଁ।

“ସେହିଦିନ କି ସେହି ସମୟ କେହି ଜାଣେ ନାହିଁ, ଏପରିକି ସ୍ଵର୍ଗଦୂତମାନେ, କିମ୍ବା ପୁତ୍ର ମଧ୍ୟ ଜାଣନ୍ତି ନାହିଁ କେବଳ ପିତା ଜାଣନ୍ତି।

କାରଣ ବହୁ ଭଣ୍ଡ ଖ୍ରୀଷ୍ଟ ଓ ଭଣ୍ଡ ଭାବବାଦୀମାନେ ବାହାରିବେ ଏବଂ ଏପରି ମହା ମହା ଚିହ୍ନ ଓ ଆଶ୍ଚର୍ଯ୍ୟ କର୍ମମାନ ଦେଖାଇବେ ଯେ, ଯଦି ମନୋନୀତ ଲୋକଙ୍କୁ ଭ୍ରାନ୍ତ କରିବା ସମ୍ଭବପର ହୁଅନ୍ତା, ତା ହେଲେ ସେମାନେ ତାହା କରନ୍ତେ!

ନୋହଙ୍କ ସମୟରେ ଯେପରି ହୋଇଥିଲା, ମନୁଷ୍ୟପୁତ୍ରଙ୍କ ଆଗମନ ସମୟରେ ଠିକ ସେହିପରି ହେବ। କାରଣ ଜଳପ୍ଳାବନର ପୂର୍ବରୁ ନୋହ ଜାହାଜରେ ପ୍ରବେଶ କରିବା ଦିନ ପର୍ଯ୍ୟନ୍ତ ଲୋକେ ଭୋଜନପାନ, ବିବାହ କରିବା ଓ ବିବାହ ଦେବାରେ ମାତି ରହିଥିଲେ ଜଳପ୍ଳାବନ ଆସି ସମସ୍ତଙ୍କୁ ଭସାଇ ନେବା ପର୍ଯ୍ୟନ୍ତ କଅଣ ଘଟିବ, ସେମାନେ ଜାଣି ନ ଥିଲେ ମନୁଷ୍ୟପୁତ୍ରଙ୍କ ଆଗମନ ସମୟରେ ସେହିପ୍ରକାର ହେବ।