Popular Bible Verses from தானியேல் 9

Share

நான் என் இறைவனாகிய கர்த்தரிடத்தில் மன்றாடி, பின்வருமாறு பாவங்களை ஒப்புக்கொண்டேன்: “ஆண்டவரே! மகத்துவமுடையவரும் பயபக்திக்குரியவருமான இறைவனே, உம்மில் அன்பு செலுத்தி, உமது கட்டளைகளுக்குக் கீழ்ப்படிகின்ற எல்லோருடனும் உமது நிலையான அன்பின் உடன்படிக்கையைக் காத்துக்கொள்கின்றவரே!

என் இறைவனே! செவிசாய்த்துக் கேட்பீராக! உமது கண்களைத் திறந்து பாழாய்க் கிடக்கும் உமது பெயர் தரிக்கப்பட்ட பட்டணத்தின் அழிவைப் பார்த்திடுவீராக! இந்த மன்றாடுதலை எங்கள் நீதியின் பொருட்டு நாங்கள் கேட்காமல், உமது பெரிய இரக்கத்தை முன்வைத்தே கேட்கிறோம். ஆண்டவரே, கேட்பீராக; ஆண்டவரே, மன்னித்திடுவீராக! ஆண்டவரே கவனித்துக் கேட்டுச் செயலாற்றிடுவீராக! உமது பட்டணம் உமது பெயரைத் தரித்துள்ளது, உமது மக்களும் உமது பெயரைத் தரித்துள்ளனர். ஆதலால் என் இறைவனே, உமது பொருட்டு தாமதிக்காது செயற்படுவீராக!” என்றேன்.

எனவே நான் உபவாசித்து, துயரஆடை அணிந்து, சாம்பலில் உட்கார்ந்து இறைவனாகிய ஆண்டவரிடம் விண்ணப்பத்துடனும் வேண்டுதலுடனும் கெஞ்சி மன்றாடினேன்.

நாங்கள் இறைவனுக்கு எதிராக கலகம் செய்திருந்தாலும், எங்கள் இறைவனாகிய ஆண்டவருக்கோ, இரக்கமும் மன்னிக்கும் தன்மையும் சொந்தமானவை.

அந்த ஆட்சியாளன் ஒரு ஏழுக்கு உடன்படிக்கை ஒன்றை பலருடன் உறுதிப்படுத்துவான். ஆயினும் அந்த ஒரு ‘ஏழின்’ மத்தியில் பலி மற்றும் காணிக்கைக்கு அவன் ஒரு முடிவை உண்டுபண்ணுவான். அழிவைச் செய்கின்றவன், நியமிக்கப்பட்ட முடிவு அவன்மீது வரும்வரை ஆலயத்தின் ஒரு முனையின்மேல் அழிவைக் கொண்டுவரும் அருவருப்பை வைப்பான்” என்றார்.