Popular Bible Verses from Luug 4

Share

«Noowug Boroom baa ngi fi sama kaw, ndax moo ma diw, fal ma ngir ma yégal néew-doole yi xibaaru jàmm bi. Moo ma yebal ngir ma yégal jaam yi, ne dees na leen jot, yégal gumba yi, ne dinañu gis, yégal ñi ñu noot, ne dees na leen goreel, tey yéene atum yiw wu Boroom bi.»

Yeesu ne ko: «Bindees na ne: “Boroom bi sa Yàlla ngay sujjóotal, te moom doŋŋ ngay jaamu.”»

Yeesu ne ko: «Bindees na ne: “Du aw ñam doŋŋ la nit di dunde.”»

Yeesu moo feesoon ak Noo gu Sell gi, bàyyikoo ci dexu Yurdan, ci njiital Noo gi, ba ca biir màndiŋ ma.

Yeesu ne ko: «Bindees na ne: “Bul seetlu Boroom bi sa Yàlla.”»

Seytaane lalal na Yeesu gépp fiir ba sottal, doora dem, bàyyi ko ab diir.

Seytaane yéege na ko fu kawe itam, won ko mboolem nguuri àddina, ci xef ak xippi. Seytaane ne Yeesu: «Yaw laay may mboolem kilifteef gii ak daraja ji mu àndal, ndax man lees ko jox, te ku ma soob laa koy may. Kon nag soo ma sujjóotalee, yaa moom lépp.» Yeesu ne ko: «Bindees na ne: “Boroom bi sa Yàlla ngay sujjóotal, te moom doŋŋ ngay jaamu.”»

Seytaane yóbbu na ko Yerusalem, aj ko ca njobbaxtalu kër Yàlla ga, ne ko: «Ndegam yaa di Doomu Yàlla, tëbeel fii, wàcc, ndax bindees na ne: “Ay malaakaam lay jox ndigal ci sa mbir, ñu sàmm la, te seeni loxo lañu lay leewoo, ba doo fakkastalu ciw doj.”» Yeesu ne ko: «Bindees na ne: “Bul seetlu Boroom bi sa Yàlla.”»