Popular Bible Verses from 1 ABAKORINTO 12

Share

Mwoyo alabikira mu buli omu olw'okugasa bonna.

Kale mwenna muli mubiri gwa Kristo, era buli omu mu mmwe kitundu kyagwo.

Ekitundu ekimu bwe kirumwa, n'ebirala byonna birumirwa wamu nakyo. Era ekitundu ekimu bwe kiweebwa ekitiibwa, ebitundu byonna bisanyukira wamu nakyo.

Omu, Mwoyo amuwa okwogera eby'amagezi, omulala, Mwoyo ye omu n'amuwa okutegeera. Omulala, Mwoyo ye omu amuwa okukkiriza, n'omulala n'amuwa obuyinza obw'okuwonya abalwadde. Omu, Mwoyo amuwa okukolanga ebyamagero, n'omulala n'amuwa okutegeeza abantu ekigambo kya Katonda; ate omulala n'amuwa okumanya emyoyo emirungi n'emibi. Omulala amuwa okwogera ennimi, n'omulala n'amuwa okuzivvuunula.

Naye Mwoyo akola ebyo byonna ye omu, ye agabira bonna nga bw'ayagala.

omubiri guleme kwesalaasalamu, wabula ebitundu byagwo bikolaganirenga wamu.

Waliwo ebirabo bya ngeri nnyingi, naye Mwoyo abigaba ye omu. Waliwo engeri nnyingi ez'okuweerezaamu, naye Mukama aweerezebwa ye omu. Waliwo okukola kwa ngeri nnyingi, kyokka Katonda ye omu asobozesa bonna mu buli kye bakola.

Era mu kibiina ky'abakkiriza Kristo, Katonda yateekamu abantu: abasooka be batume, abaddako be balanzi, ne kuddako abayigiriza, ne kuddako abakozi b'ebyamagero, abawonya abalwadde, abayambi b'abantu, abafuzi, era n'aboogera ennimi.

Omubiri teguba na kitundu kimu, naye guba n'ebitundu bingi.

Naye mu mazima, ebitundu by'omubiri ebirabika ng'ebisinga obunafu, bye bisinga okwetaagibwa.

Singa omubiri gwonna gwali liiso, okuwulira kwandibadde wa? Era singa omubiri gwonna gwali kutu, okuwunyiriza kwandibadde wa? Naye kaakano Katonda yateeka mu mubiri ebitundu ebyenjawulo, nga bwe yayagala. Singa byonna byali ekitundu kimu, olwo omubiri gwandibadde wa?