Oswald Chambers: Hoop - ‘n Heilige Belofte Voorbeeld

Die verwagting van die hart moet gebaseer wees op hierdie sekerheid: “In die hele wêreld is daar niemand soos U nie, my God, daar is niemand soos U nie.” Totdat die menslike hart hierin berusting vind, sal elke verhouding in die lewe onseker wees en in hartseer eindig. Daar is slegs een Wese wat die laaste pynlike leemte van die menslike hart kan bevredig, en dit is die Here Jesus Christus.

Die hele geskiedenis van afguns en wreedheid in menslike verhoudinge kan opgesom word deur die najaag van oneindige bevrediging van menslike harte. Ons sal dit nooit verstaan nie en ons is geneig om wreed te raak, wraaksugtig, bitter en dikwels krimineel. Wanneer die hart uiteindelik in die regte verhouding met God staan en die regte kern van die lewe bevredig is, sal ons nooit onbeperkte bevrediging van ‘n beperkte hart verwag of vereis nie; ons tree dan vriendelik op teenoor ander en ons word nooit ‘n struikelblok nie.

Oordenkingsvrae: Wat sê my gebrek aan vriendelikheid oor my verlange na bevrediging deur iemand anders as God? Hoe sal my houding teenoor mense verander as ek al my hoop op God plaas?

Aanhalings uit: "The Moral Foundations of Life", © Discovery House Uitgewers