Oswald Chambers: Hoop - ‘n Heilige Belofte Voorbeeld

In ‘n preek wat Vader Frere ‘n aantal jare gelede gegee het, het hy die volgende gesê: “Moes jy al ooit ‘n troeteldier seermaak om dit gesond te kry — soos om ‘n doring uit sy voet te haal, ‘n wond uit te was, of iets soortgelyk? As jy het, sal jy die uitdrukking in die hond se oë onthou soos hy na jou gekyk het, want wat jy gedoen het, het hom verskriklik seergemaak en tog het sy oë van soveel vertroue in jou gespreek asof hy wou sê: "Ek verstaan glad nie wat jy doen nie, wat jy doen maak seer, maar gaan aan daarmee.” Dit is ‘n geskikte beskrywing van lyding “volgens die wil van God.”



Somtyds moet ons net stom na God opkyk en sê: “Ek verstaan dit glad nie, maar gaan aan met wat U besig is om te doen.” Dit dui op ‘n proses om te leer om op God te vertrou. ‘n Geestelike ondervinding het begin; lyding het reeds begin om die siel te versterk.



Oordenkingsvrae: Wat is God besig om te doen wat begrip uitdaag? Wat hoop ek om te baat deur dit te weerstaan? Wat hoop ek om te baat as ek vertrou?



Aanhalings uit: "Christian Disciplines", © Discovery House Uitgewers