Neem Standpunt In: Moed Uit Die Boek DaniëlVoorbeeld

Lees asseblief Daniël 5 voordat jy vandag se oordenking lees.

Beltsasar het nie uit die foute van sy vader geleer nie. In plaas daarvan om vir God standpunt in te neem soos Nebukadnesar later in sy lewe gedoen het, het Beltsasar besluit om vir homself en sy eie trots standpunt in te neem. Hy het homself en sy afgode voor God geplaas. Beltsasar is deur God geweeg en te lig bevind. Mettertyd het Beltsasar sy standaarde verder laat verslap tot op die punt waar hy nie twee keer gedink het voor hy teen God se mense gelaster het deur hulle bekers te gebruik nie.

Waarvoor neem jy standpunt in? In die samelewing lyk dit vandag of meer mense vir die verkeerde dinge standpunt inneem as vir dit wat God sê reg is. Watter standaarde gebruik jy om jou dade te meet? Is jy besig om God se standaarde te gebruik of die wêreld s'n? Wanneer jy die wêreld se standaarde as jou maatstaf gebruik om jou dade te meet, gaan jy jouself gereeld betrap dat jy dinge doen wat jy eintlik nie moet nie, en dat jy dan jou dade regverdig. Miskien is die rolprente en televisieprogramme waarna jy kyk en die musiek waarna jy luister aanvaarbaar volgens die wêreld se standaarde, maar is dit aanvaarbaar volgens God se standaarde? Miskien is jou taalgebruik vir die wêreld aanvaarbaar, maar is dit vir God aanvaarbaar? Neem vandag breedvoerig voorraadopname van jou dade en kyk waarvoor jy regtig standpunt inneem. As jy vandag deur God gemeet word, sal jy tekortskiet?

Terwyl jy vandag klaar lees en bid, vra jouself af: as God my dade en my hart vandag sou meet, hoe sou Hy my beoordeel? Watter een ding kan ek vandag ophou doen wat nie aan God se hoë standaarde voldoen nie?