Leesplan inligting
12 Dae Om Liefde Te Bou Wat HouVoorbeeld
Laai die Bybeltoep af
Geloof
Ons is meer as halfpad deur hierdie leesplan en ons is nou by die dag wat dalk die meeste impak van almal mag hê:
Ons praat van geloof.
Nie net die daad van geloof nie, wat dikwels iets is wat ons sê wanneer ons glo dat God namens ons sal optree. Nee, ons praat van jou werklike geloof – wat jy oor God, Jesus, die Heilige Gees, die Skrif, die kerk … oor alles glo.
Geloof is veronderstel om ons te verenig, maar dikwels veroorsaak dit verdeeldheid in 'n huwelik. Ons kan baie maklik die basiese beginsels uit die oog verloor en vasgevang word in argumente oor klein, onbenullige punte.
Jy moet in jou huwelik hierteen waak. 'n Duitse teoloog in die 1600's het geskryf dat Christene die volgende moet hê: "Eensgesindheid in wat noodsaaklik is, vryheid in nie-noodsaaklikhede, en goedgesindheid in alle dinge."
Dit is 'n goeie manier om geloof in jou huwelik te benader. Kom ooreen oor die basiese beginsels, laat die klein dingetjies staan en behandel elke aspek van jou verhouding met goedgesindheid.
Só bou jy liefde wat hou – deur dit te bou op ’n sterk geloofsfondament wat die belangrike dinge naby aan die hart hou en op alle ander dinge minder ag slaan.
Aangaande hierdie leesplan
In hierdie studie sal ons jou lei deur 'n verhoudingsreis wat die 12 noodsaaklike maniere dek om Liefde Te Bou Wat Hou.
