Leesplan inligting
12 Dae Om Liefde Te Bou Wat HouVoorbeeld
Laai die Bybeltoep af
Ritmes
Ritme is iets wat in die skepping ingebou is. Ons sien dit in die welbekende Skrifgedeelte uit Prediker wat ons vandag gelees het: daar is 'n tyd en 'n seisoen vir alles. Ons kan nie aanmekaar werk sonder om te rus nie – dit is 'n resep vir uitbranding.
Dit is (soms) frustrerend om te weet dat ritme ook iets is wat in elkeen van ons ingebou is. Ons het almal ons individuele ritmes, die maniere waarop ons daarvan hou om ons lewens te leef. Om met die ritmes van die wêreld, van die liggaam, van die verstand en van die gees saam te werk, is noodsaaklik indien ons behoorlik wil funksioneer.
Hoe dan nou gemaak as jy en jou huweliksmaat verskillende ritmes het?
Dit is moeilik! Dit is een van die vele redes waarvoor ons die Heilige Gees kan nader, want Hy kan ons help om ons aan mekaar te onderwerp, selfs wanneer ons ander of hul ritmes nie verstaan nie.
Om te verstaan dat ons ritmes het, is die eerste sleutel om maniere te vind om daardie ritmes in ooreenstemming met mekaar te bring, sodat ons eensgesindheid kan vind en liefde kan bou wat hou. Aanvaar dus jou huweliksmaat se ritmes en werk dan daaraan om maniere te vind om dit in pas met joune te bring.
Aangaande hierdie leesplan
In hierdie studie sal ons jou lei deur 'n verhoudingsreis wat die 12 noodsaaklike maniere dek om Liefde Te Bou Wat Hou.
