Troos My Mense

Die Kersverhaal is vol verrassings. Oor die volgende vyf dae sal ons die kinkels en draaie van hierdie ou weergawe ondersoek en ontdek wat dit vandag vir ons beteken. 

Voel dit ooit vir jou of God ver is? Miskien voel dit of Hy stil is of nie sien waardeur jy gaan nie. Indien wel, is jy nie alleen nie. 

Stel jou voor jy is deel van 'n gemeenskap wat deur vyande binnegeval word. Hulle regeer jou land en maak die lewe ellendig. Jy het grootgeword en gehoor van God se liefde vir jou volk. Soos die jare egter verbygaan, wonder jy dalk, is God werklik met ons? 

Dit is hoe baie mense in antieke Israel waarskynlik gevoel het in die jare voor Jesus se koms. Hulle is deur verskeie korrupte heersers onderdruk en mishandel. Baie het egter geglo dat God 'n Verlosser sou stuur om hulle te bevry en te herstel. 

Wag en bid jy soms vir iets om te verander, maar voel jy onseker of God sal reageer? Indien wel, voel jy waarskynlik iets van wat die volk van Israel gevoel het. Selfs in hulle wagperiode was God met hulle. 

God het egter nie net gewag nie. Hy het agter die skerms gewerk om iets meer verrassend en wonderlik te doen as wat enigiemand hulle kon voorstel. 

Hy het nie net 'n Verlosser gestuur nie. Hy het persoonlik gekom. Nie as 'n magtige heerser of sterk krygsman nie. In plaas daarvan het Hy Homself verneder en 'n baba geword in die moederskoot van 'n jong vrou met die naam Maria. 

As jy ooit wonder of God by jou is, dink aan die Kersverhaal. God is altyd teenwoordig en aan die werk, selfs wanneer ons dit nie sien nie. 

Bid: Liewe Vader, dankie dat U by ons is. Help my asseblief om U te vertrou selfs wanneer ek nie u teenwoordigheid kan voel nie. Help my om vertroue in u liefde te hê terwyl ek nadink oor die wonderlike verhaal van Kersfees. In die Naam van Jesus. Amen.