Stiltetye met GodVoorbeeld

Weet Wie Jy Is

Daarom – iemand wat aan Christus verbind is, is ’n nuwe skepping. Die ou dinge is verby, kyk, die nuwe is hier! (2 Korintiërs 5:17)

Daar is baie mense wat nie hulle gawes en talente van God gebruik nie, omdat hulle in die verlede probeer en misluk het. Hulle is gefrustreerd in die lewe omdat hulle toegelaat het dat hulle vorige nederlae hulle laat definieer wie hulle is. In plaas daarvan om op te hou of op te gee, wil God hê jy moet aanhou probeer totdat jy dit regkry!

Wanneer ons wedergebore word deur ‘n verhouding met Jesus Christus, word ons eintlik ‘’herskep’’ in Hom. Dus, wat Jesus ookal is, is ons ook.

Hy is sterk en in Hom, is ons ook sterk (sien Filippense 4:13).

Hy is moedig, in Hom is ons moedig (sien Mattheus 19:26; Johannes 16:33).

Hy is ‘n oorwinnaar, dus is ons ook oorwinnaars (sien Romeine 8:37).

Hy het vrede en vreugde, dus het ons vrede en vreugde (sien Johannes 14:27).

Jy kan baie nederlae en mislukkings van die verlede oorkom deur jouself in Christus te sien. Dan sal jy vind dat jy alles het wat jy nodig het om te doen waarvoor jy geskape is.

Vandag se Gedagte

Jou vorige foute hoef nie jou toekoms te bepaal nie!

Delf dieper in God se Woord: Bestudeer Genesis 1:27; Romeine 8:37.