Leesplan inligting
Stiltetye met GodVoorbeeld
Laai die Bybeltoep af
God se Perfekte Tydsberekening
Dis egter nie al nie – ons jubel selfs in ons swaarkry, want ons besef dat die swaarkry ons leer om te volhard. Op sy beurt kweek volharding betroubaarheid van karakter; en betroubarheid van karakter versterk ons toekomsverwagting. (Romeine 5:3-4)
God het ‘n ontsaglike plan vir elkeen van ons se lewens en Hy wil ons baie seën. Hy mag dalk egter nie ons omstandighede verder as die vlak van ons geestelike volwassenheid seën nie.
Ek het byvoorbeeld jare lank gebid dat my bediening moet groei. As God my alles gegee het wat ek wou hê voordat ek geestelik volwasse genoeg was, sou dit my seergemaak het want ek sou nie die goddelike karakter en die krag gehad het om dit te kon hanteer nie. Dit klink dalk vreemd, maar nou is ek dankbaar vir die moeilike tye toe ek op God se tydsberekening moes wag, want dit het gehelp om my te bring waar ek vandag is.
Wanneer jy voel dat dinge nie gebeur soos jy wil hê nie, moedig ek jou aan om God se perfekte tydsberekening te vertrou. Hy weet wat jy kan hanteer en Hy het altyd jou heel beste belange in gedagte.
Vandag se Gedagte
God berei jou voor vir die plan wat Hy vir jou het.
Delf dieper in God se Woord: Bestudeer Jesaja 30:18; Prediker 3:11
Aangaande hierdie leesplan
Die beste tyd wat jy elke dag kan spandeer, is sonder twyfel, tyd saam met God. Dit maak nie saak hoe besig of gejaagd jou skedule is nie, wanneer jy rustig raak en tyd saam met God spandeer, sal jy verbaas wees oor di...
More
Ons wil graag Joyce Meyer Ministries bedank vir die verskaffing van hierdie leesplan. Vir meer inligting, besoek asseblief: https://tv.joycemeyer.org/afrikaans/
