Dankie, Here!Voorbeeld

’n Gebed van geloof

Ons het meer geloof nodig om een dag op ’n slag te leef, nie waar nie? Volgens Jesus moet ons in geloof bid en Hy sal in al ons behoeftes voorsien – nie ons begeertes nie, maar ons behoeftes.

Ek wil jou vandag vra of God dan nie jou gebede kan antwoord soos Hy Elia s’n geantwoord het nie? Kan Hy nie in jou behoeftes ook voorsien nie? Die Bybel sê Elia was ’n mens net soos ons. Daar was niks bonatuurliks aan hom nie, maar hy het die gebed van geloof gebid. Dis belangrik, God antwoord nie enige gebed nie – Hy antwoord ’n gebed van geloof.

Bid daarom vandag in geloof en vra God om jou geloof te vergroot sodat jy groot dinge van Hom kan vra. Wanneer jy Hom gevra het, begin om Hom te dank en laat Hy die res doen.