Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 2:17-22. Lees die Skrifgedeelte 'n paar keer deur en vra die Here om jou 'n dieper begrip te gee van waar jy met Hom en in sy kerk staan (Efesiërs 1:3-14).

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 2:19-20: "Julle is dus nie meer ver van God af nie, nie bywoners nie, maar medeburgers van die gelowiges en lede van die huisgesin van God. Julle is 'n gebou wat opgerig is op die fondament van die apostels en die profete, 'n gebou waarvan Christus Jesus self die hoeksteen is."

GEE DIE SAAD WATER

Wanneer het Hy begin om jou nader aan Hom te trek? Dink 'n bietjie terug wanneer en hoe die Here jou oë geopen het om Hom as jou Heer en Redder te sien. Tot watter mate het jy gegroei? Het jy Hom vandag nog méér lief? Het jy sy Woord méér lief as ooit tevore? Ons sien onsself as deel van 'n familie, 'n kerk, 'n buurt, 'n groep, 'n kantoor, maar hoe dikwels sien ons onsself as 'n lid van God se huishouding? 1 Petrus 2:5 sê: "Laat julle as lewende stene opbou tot 'n geestelike huis, om 'n heilige priesterdom te wees en geestelike offers te bring wat deur Jesus Christus vir God welgevallig is." Buig voor die Here neer en bied aan Hom 'n lofoffer. Gaan sy poorte in met dankbaarheid en sy voorhowe met lof. Dink aan hierdie magtige waarheid met elke tree wat jy vandag neem.

DRA VRUG

Lid van die huishouding van God.

SLUIT AF MET GEBED

Vra die Here om alles te laat groei wat vandag in jou hart geplant is.