Floreer as Enkellopende Deel TweeVoorbeeld

Dag 3

Pyn, Proses, en Voorbereiding 

Terwyl jy as enkellopende floreer en jou doel uitleef, sien party mense net die mooi kant van jou God-verordende doel. Hulle weet nie van die pyn, druk en die proses waardeur jy moes gaan om te kom waar jy is nie! Prys God vir die deursettingsvermoë om deur te druk.

"Jy kan nie God se doel vir jou lewe vervul terwyl jy fokus op jou eie planne nie" — Rick Warren, outeur van "Purpose Driven Life". 

Verbind tot jou Doel:

"Hoe hoër jou posisie, hoe meer pyn moet jy verduur" — Samuel Chand.

Pyn: Wat is meer pynlik — om stil te staan of om in jou doel vorentoe te beweeg? Albei is pynlik, maar watter een is meer lonend? Sonder moeite en lyding kan 'n mense niks bereik nie. Sommige van ons vra vir God om die pyn weg te neem. Ons moet egter eerder vir God vra om vir ons die genade en gemoedsrus te gee om deur te druk. Pyn en uitdagings is doel lanseerders.

Daar sal pyn aan jou opdragte en doel gekoppel wees. Partykeer gaan ons deur sekere dinge, nie net vir onsself nie, maar vir ander ook. Pyn produseer doel! Terwyl jy jou doel uitleef, kom jou deurbraak! Om jou perspektief te verander sal jou help om die vreugde van die Here te vind te midde van jou pyn. 

Gaan jy op die pyn fokus wat gekoppel is aan jou opdrag of gaan jy fokus op die goeie dinge wat deur jou pyn geproduseer sal word.

Proses:  Sommige mense haat waarheen jy op pad is, maar hulle sal dit ook haat om deur die proses te gaan waardeur jy gegaan het om daar te kom! Vir jou om jou doel te bereik en alles te word waartoe God jou geroep het, moet jy deur 'n proses gaan. Jou proses sal 'n ware toets van jou karakter, uithouvermoë, krag, geloof en vertroue in God wees. Daar is altyd 'n proses vir die voorsiening van God se beloftes. 

Voorbereiding: Sommige van julle het agter geslote deure deur moeilike toetse gegaan. Jou proses was nodig vir jou belofte. Jou pyn was nodig vir jou voorsiening. Jou teleurstellings was nodig vir jou deursettingsvermoë om vorentoe te beweeg. God het alreeds vir jou 'n plek voorberei. Wees dankbaar vir jou reis want dit was vir jou voorbereiding van jou NOU tydperk. Berei jou voor vir dit waarvoor jy bid.

Vandag se opdrag: Maak 'n visiebord om jou doel te bereik.