Leesplan inligting
Floreer as Enkellopende Deel TweeVoorbeeld
Laai die Bybeltoep af
Dag 1
Gebed is jou reddingstou
'n Goeie manier om as enkellopende te floreer, is deur 'n sterk gebedslewe te hê.
Om te bid moet nie net partykeer gebeur nie; dit moet deel van ons daaglikse lewe wees, 'n gewoonte, 'n leefstyl.
Een van die areas in my lewe wat die vyand gedurig aangeval het was my gebedslewe. Ek was 'n ywerige Bybelleser, maar my gebedslewe was ontoereikend. Ek het dikwels gevoel dat God nie my gebede hoor nie, dus het gebed vir my soos 'n werk gevoel.
God moes my ingesteldheid verander en my in die posisie van gebed geplaas het. My lewe het drasties verander toe ek as 'n enkellopende vrou die krag van gebed begin verstaan het.
Die vyand hou daarvan om ons gebedslewe aan te val. Het jy al opgelet, sodra jy op gebed probeer fokus, word jou gedagtes maklik afgelei? Skielik kom jy agter jy dink aan wat jy vir aandete gaan eet. Die kleinlike argument wat jy met jou baas gehad het, weeg swaar op jou gedagtes. Jy speel herhaaldelik die laaste gesprek in jou gedagtes oor wat jy met jou ou of meisie gehad het. Of, jy kan eenvoudig net nie konsentreer nie.
Gebed is 'n gesprek met die Here. Gebed is 'n belangrike deel van ons Christelike wandel.
Partykeer, as 'n Christen, voel jy dat jy nie die regte woorde kan vind om in gebed te sê nie. Ons gebed hoef nie hoogdrawend te wees nie — net opreg.
Daar is groot krag in gebed; gebed verander alles.
Wat is sommige voordele van gebed?
Gebed verdiep ons verhouding met Christus.
Gebed herlaai ons.
Gebed bring vrede.
Gebed voorsien rigting en duidelikheid.
Gebed verminder ons angstigheid.
Gebed verskerp ons onderskeidingsvermoë.
Gebed bring ons nader aan ander gelowiges.
Gebed bemagtig jou as 'n enkellopende persoon.
Gebed gee jou die vermoë om namens ander in te tree.
Gebed bevorder heling en herstel.
Gebed bevorder jou hemelse taal.
Vandag se opdrag: Sit elke dag een uur eenkant vir gebed. Vind 'n stil plek om te ontspan. Sit jou selfoon op die modus om nie gesteur te word nie. Elimineer alle afleidings.
Aangaande hierdie leesplan
Wat doen jy terwyl jy wag? Stagneer jy jaar na jaar? Verwerp jy die idee van groei? Hou jy op om aan jou droom te werk? Hou jy op om God en ander te dien? Die antwoord is NEE. Enkellopenheid is 'n tyd om te FLOREER
