Verlos Van SkandeVoorbeeld

God Verwyder ons Skuld

Lees: Psalms 103:12-13

SOAP

Psalms 103:12-13

So ver as die ooste van die weste af is,
so ver verwyder Hy ons oortredinge van ons af.
Soos 'n vader hom ontferm oor sy kinders,
so ontferm die Here Hom oor dié wat Hom dien.

Oordenking

Sukkel jy ooit om te glo dat God jou waarlik vergewe het? Miskien sukkel jy om te glo dat God nie sondes uit jou verlede oor jou kop hou nie. Gelukkig spreek God dit aan in Psalm 103. Wanneer God ons vergewe, is dit asof daardie sondes so ver van ons af is as wat die ooste van die weste af is. Dit is nie dat God skielik vergeetagtig is nie, maar wel dat Hy nie daardie sondes teen ons hou nie. Jesus het vir ons gesterf en ons skuld is betaal - vir altyd. 

God sal nie daardie sondes voor ons hou en betaling vereis nie. 

Moenie dat sonde jou flous om te dink dat God jou nie vergewe het nie. Daar is geen sonde wat sterker as God is nie. Dit beteken dat sy liefde sterker is as enige oortreding wat jy kan begaan, sy medelye is dieper as enige skande wat jy ervaar en sy vergifnis bedek meer as enige sonde. Dit is barmhartigheid en genade. 

Gebed

Here, u goedgunstigheid en barmhartigheid is waarlik ongelooflik. Dit is vir my so moeilik om ander te vergewe vir klein dingetjies en tog vergewe U elke enkele sonde wat ek doen omdat ek aan U behoort. Here, help my om vinnig berou te toon en om sonde te beveg deur die krag van die Heilige Gees. Amen.