Verlos Van SkandeVoorbeeld

Moses en die Skande van Ontoereikendheid

Lees: Eksodus 4:10-17; Psalm 103:7-9; Jesaja 41:10

SOAP

Psalm 103:7-9

Aan Moses het Hy sy wil bekend gemaak,

aan Israel wat Hy van plan was om te doen.

Barmhartig en genadig is die Here, 

lankmoedig en vol liefde.

Hy sal ons ons sonde nie bly toereken

en nie vir ewig toornig bly nie.

Jesaja 41:10

Moenie bang wees nie, Ek is by jou,

moenie bekommerd wees nie. Ek is jou God.

Ek versterk jou, Ek help jou, Ek hou jou vas,

met my eie hande red Ek jou.

Oordenking

Moses se gevoel van ontoereikendheid was niks nuuts nie, en duisende jare later worstel God se volk steeds met die gevoel dat ons nie genoeg is nie. Dit kan op elke gebied van ons lewens gebeur, veral as ons voel dat ons roeping te veel is of dat die werk te oorweldigend is. Maar, soos Moses, kan ons onthou wie ons aanmekaargeweef het in die moederskoot.

Wie ken ons beperkings? Wie ken ons sterk en swak punte? God ken al hierdie dinge dieper as wat ons ooit kan verstaan. Sy kennis van ons is nie net diep nie, Hy het ook belowe dat Hy ons nooit sal verlaat nie, en Hy sal ons die krag gee om sy wil te doen.

Ons kan gerus wees dat Hy by ons sal wees om ons te help en te lei, krag en wysheid te gee en ons te vertroos en vreugde te gee. Ons hoef nie die skande van ontoereikendheid te voel nie, want in Jesus is ons meer as genoeg.

Gebed

Here, U is vrygewig en barmhartig. In my swakheid gee U krag, in my dwaasheid bring U wysheid, in my nood bied U vertroosting. Help my om na U te kyk, want U ken my beter as wat ek myself ken en alles wat ek nodig het, is in U.

Amen.