Rick Warren se Daaglikse OordenkingsVoorbeeld

Smoor dit in die kiem

'n Begroting is net 'n beplanning. Dit wys waarheen jy wil hê jou geld moet gaan, in plaas daarvan om te wonder waarheen dit gegaan het. Die probleem waarmee baie van ons vandag sukkel, is dat ons nie weet waarheen ons geld gaan nie, want ons het nie 'n begroting nie.

Let wel, as jy vry van skuld wil wees, moet dit in jou begroting begin. Onthou jy vir Barney Fife, van Mayberry? Hy het altyd gesê: "Smoor dit, smoor dit, smoor dit in die kiem." Ons moet dit in die begroting smoor.

Vandag se Bybelvers sê: "Wat hardwerkende mense beplan, is nuttig". Dit beteken begroot, 'n begroting is eenvoudig beplande besteding. Om te beplan sê jy: "Dit is wat ons volgende jaar en volgende maand gaan bestee", en deur dit te doen sê die Bybel: "... dan sal jou skure oorvol wees." Dit is God se belofte.

Daarteenoor: "... maar elkeen wat oorhaastig is, stuur af op gebrek." Dit stuur af op wat adverteerders en bemarkers impulsiewe aankope noem. Weet jy wat impulsiewe aankope is? Het jy al ooit na die winkel gegaan sonder dat jy beplan het wat om te koop, en dan koop jy veel meer as wat jy nodig het? Jy het nie oor die aankope gedink nie, dit was emosionele besluite. Jy het 'n klomp goed gesien, jy wou dit hê en jy het dit gekoop.

As jy te vinnig optree, lei dit tot impulsiewe aankope sonder 'n begroting, wat gelykstaande is aan 'n finansiële ramp. Het jy al ooit iets aangekoop en later spyt gekry? Die meeste van ons het al! Dit is waarom ons moet beplan.