Rick Warren se Daaglikse OordenkingsVoorbeeld

Bestudeer die Woord van God en doen wat dit sê

Wat beteken dit om te peins? Dit beteken nie om jou gedagtes in neutraal te sit nie. Dis nie wat bepeinsing is nie. Bepeinsing is om ernstig oor iets na te dink.

Ons Skrifgedeelte vandag sê die volgende van iemand wat peins: "maar [die persoon] wat in die woord van die Here sy vreugde vind, dit dag en nag oordink. Hy is soos 'n boom wat by waterstrome geplant is, wat op die regte tyd vrugte dra en waarvan die blare nie verdroog nie. Hy is voorspoedig in alles wat hy aanpak" (Psalm 1: 2-3).

Ek wil hê dit moet in jou lewe waar wees. Ek wil hê dat alles wat jy aanpak voorspoedig sal verloop, maar die Bybel sê hierdie belofte is afhanklik van jou toewyding om sy Woord te bestudeer.

Vandag se aksiepunt is: Ek wil hê jy moet by 'n Bybelstudiegroep aansluit. As jy reeds het, welgedaan! Hou so aan! As jy nog nie het nie wil ek jou aanmoedig om 'n Bybelstudiegroep te soek en betrokke te raak. Jy sal verbaas wees hoe die bestudering van die Woord van God in 'n Bybelstudiegroep jou lewe sal seën.