Ontdek jou Finansiële PadVoorbeeld

Minder is meer.



Om meer geld te besit is nie die antwoord op 'n gelukkige lewe nie. Dit mag lyk asof geld alles kan oplos en as jy net 'n beter werk of 'n voller beursie gehad het, sou jy 'n beter lewe kon hê. Vreugde word egter nie gevind in die grootte van ons bankrekeninge nie, maar die grootte van ons harte.



Psalms 37 sê die goddelose leen maar betaal nie terug nie, maar die regverdige is vrygewig met sy gawes.



Die antwoord om in vryheid te lewe, lê daarin om te besef alles gaan nie net oor jou nie. Net God het die krag om te voorsien, en jy is verantwoordelik om nie iets groter of beter te verwag nie, maar om dit wat alreeds aan jou gegee is, goed te bestuur. Die beste manier om God met jou finansies te begin volg, is om Sy voorbeeld te volg deur vrygewig te begin lewe.



Dink Hieroor:

1. Kyk na jou bankrekening. Waarop bestee jy die meeste van jou tyd en geld? Wie het jy die liefste volgens jou uitgawegewoontes?

2. Psalms 37 sê dat iemand wat regverdig is, ook vrygewig is. Wie ken jy wat jy as regverdig sal beskryf? Wat bewonder jy in daardie persoon?

3. Deur Jesus het ons almal die vermoë om regverdig te lewe. Watter stap kan jy vandag neem om meer vrygewig te wees?



Bid:

Jesus, alles wat ek het, insluitend my rykdom, is 'n gawe van U af. Help my om dit goed te gebruik sodat ek U in elke area van my lewe kan eer.