Ìyìn: Àṣàrò nínú Orin DáfídìÀpẹrẹ

Kí ni ó sọ?

Àwọn ọ̀tá ń fi ìgbà gbogbo ni Ísírẹ́lì lára. Onísáàmù náà ké pe àánú Ọlọ́run, ó rọ àwọn ọmọ Ísírẹ́lì láti fi ìrètí wọn sínú Ọ̀rọ̀ Ọlọ́run àti sínú ìfẹ́ tí kìí kùnà. Dáfídì fi ìrẹ̀lẹ̀ ṣe ìrètí nínú Olúwa, pẹ̀lú.

Kí ni ó túmọ̀ sí?

Sáàmù 129 àti 130 ni Hẹsíkáyà kọ ní ọ̀ọ́dúnrún [300] ọdún lẹ́yìn tí Dáfídì, gẹ́gẹ́ bíi ọ̀dọ́ olùṣọ́ àgùntàn, kọ Sáàmù 131. Àdúrà ọba Hẹsíkáya dá lóríi ìhalẹ̀mọ́ni méjì – sí Ísírẹ́lì àwọn ọ̀tá láti òde ibodè rẹ̀ àti ẹ̀ṣẹ̀ nínú orílẹ̀-èdè náà fúnra rẹ̀. Gbígbé sáàmù kúkúrú Dáfídì tààrà lẹ́hìn ígbé àìní ìrètí Hẹsíkáyà kìí ṣe ní àìròtẹ́lẹ; ẹ̀bẹ̀ rẹ̀ tilẹ̀ yá n'inú ọ̀rọ̀ ọ̀dọ́mọ̀de Dáfídì, “Ísírẹ́lì, gbẹ́kẹ̀ rẹ lé Olúwa.” Ísírẹ́lì nílò níwájú Olúwa, irúfẹ́ê ìrẹ̀lẹ̀ ọkàn tí ó ta yọ nínú ọba wọ́n nlá jùlọ. Ọlọ́run olódodo àti aláàánú wọn ni ó jẹ́ tẹ́lẹ̀ – tí Ó sì jẹ́ nísinsìnyí – ẹnìkan ṣoṣo tí ó lè dáàbò bò tí yóò sì rà wọ́n padà.

Bawo ni kí n ṣe dahun?

Ìgbà mélo ni o gba àdúrà fún orílẹ̀-èdè wá? A nílò àwọn aláàdúrà oníwà-bíi-Ọlọ́run ju ti àṣẹ̀hìnwá lọ. Bíi ti Ísírẹ́lì nígbà ayé Hẹsíkáyà, ojoojúmọ́ ni à ń rán wa létí àwọn orílẹ̀-èdè tí ìkórìíra wọn sí orílẹ̀-èdè wa ń sún wọn láti wá ìparun wa. Ìgbéraga àwọn ará ìlú àti ìṣọ̀tẹ̀ rírorò sí Ọlọ́run àti Ọ̀rọ̀ Rẹ̀ jẹ́ ìparun bákan náà. Ìfẹ́ Ọlọ́run kì í kùnà, ṣùgbọ́n òdodo rẹ̀ òún ìwà mímọ́ kò ní fi ààyè gba ẹ̀ṣẹ̀. Àánú àti idáríjì Rẹ̀ nìkan ni ìrètí wa. Ẹ jẹ́ kí á se ọ̀kán nínú ìfẹ́ wa fún orílẹ̀-èdè wa, “Naijiria, fi ìrètí rẹ lé Olúwa!”