Ìyìn: Àṣàrò nínú Orin DáfídìÀpẹrẹ

Kíni ó so?

Àwọn tó mọ Ọlọ́run gẹ́gẹ́ bí Ẹlẹ́dàá lè yin fún oore, ìfẹ́, àti ìṣòtítọ́ Rẹ̀. Dáfídì kọrin nípa ìfẹ́ àti ìdájọ́ òdodo Ọlọ́run, ó sì búra pé òun á máa ṣe àwọn ojúṣe rẹ̀ láìní àléébù.

Kíni ó túmọ̀ sí?

Ó yẹ kí ọkàn àwọn ènìyàn Olúwa kún fún ayọ̀ nígbà tí wọ́n bá ń jọ́sìn Rẹ̀. Òun ni Ọlọ́run Ọba Aláṣẹ àti Ẹlẹ́dàá tí Ó ún pèsè gbogbo ohun tí áwọn èèyàn rẹ̀ nílò. Pẹ̀lú ẹ̀kúnrẹ́rẹ́ ọpẹ́ fún oore Ọlọ́run, ìfẹ́ rẹ̀ tí kì í yẹ̀, àti ìṣòtítọ́ rẹ̀ tí kó lópin, Dáfídì fi èrò rẹ̀ láti bu ọlá fún Ọlọ́run hàn nípa fífọ ilé rẹ̀ mọ́, ìgbésí ayé rẹ̀ àti ipò àṣẹ e mọ́ kúrò nínú ìwà ibi èyíkéyìí tó lè ṣèdíwọ́ fún ìyìn Ọlọ́run. Bí onísáàmù náà ṣe ń to àwọn ànímọ́ Ọlọ́run tí kò lè yí padà lẹ́sẹẹsẹ, bẹ́ẹ̀ ni òye rẹ̀ nípa Ọlọ́run túbọ̀ ń pọ̀ sí i; ìfẹ́ tó ní láti múnú Ọlọ́run dùn nínú ìgbésí ayé rẹ̀ sì wá di edun ọkàn rẹ̀.

Àwọn onígbàgbọ́ lónìí lè wọlé síwajú Olúwa ní ìgbàkigbà àti ní ibikíbi. Bí o ṣe ń sún mọ́ Olúwa lónìí, fi ìyìn rẹ hàn nípa sísọ àwọn ànímọ́ pàtó rẹ̀ (bí ìwà rere, ìfẹ́, ìjẹ́mímọ́, àti ìdúróṣinṣin Rẹ̀) tí ó fi irú ẹni tó jẹ́ hàn. Tí o bá yin Olórun tọkàntọkàn ó maá ún ìpòùngbẹ wá lati se ìfé Rè ni gbogbo ipò ayé eni. Bi o ń se ń ṣe àṣàrò ìjémímó Rẹ̀, njé o ń dàgbà si nínú èrò àti gbé ìgbé ayé mímọ́ (I Pétérù 1:15-16)? Kíni ohun tí ó ún fà ọ́ jìnà sí áti máa fi gbogbo ọkàn rẹ sin Ọlọ́run? Àwọn nǹkan bí yíyan eré ìnàjú tí kò bá ìfẹ́ Ọlọ́run mu tàbí àṣà sísọ ọ̀rọ̀ ẹ̀yìn máa ń ṣèdíwọ́ fún ọ láti yin Olúwa àti láti bọlá fún un. Dákẹ́ nísinsìnyí fún àkókò àyẹ̀wò ara rẹ láti rí i bóyá àwọn apá ibì kan wà nínú ìgbésí ayé rẹ tí Ọlọ́run nílò láti wẹ̀ mọ́.