Ìyìn: Àṣàrò nínú Orin DáfídìÀpẹrẹ

Kíni ó sọ?

Dáfídì bẹ Ọlọ́run pé kó dá àwọn ènìyàn rẹ̀ pa dà sí ipò. kó sì ràn wọ́n lọ́wọ́ láti dojú ìjà kọ àwọn ọ̀tá wọn.

Kíni ó ìtúmọ̀ sì?

Bí Dáfídì àti Jóábù ń bá àwọn ọ̀tá méjì jà ní ìhà àríwá, Édómù rí àǹfààní láti gbógun ti Júdà láti ìhà gúúsù (Samueli Keji 8; Kronika Kinni 18). Wọ́n ń gbèjà àwọn ènìyàn Ọlọ́run, wọ́n sì ń jà fún ilẹ̀ tí Ó ti ṣè ìlérí fún àwọn àtọmọdọ́mọ Ábráhámù, torí ìdí èyí ìdààmú bá Dáfídì nípa bí Ọlọ́run ṣe gba wọn láyè láti dojú ìjà kọ wọ́n láìròtẹ́lẹ̀ ní àgbègbè tó dà bíi pé ó ní ìfọ̀kànbalẹ̀. Láàárín àjálù ní orílẹ̀-èdè yí, ní Dáfídì dáwọ́ àdúrà dúró tì ó sì ké pe Ọlọ́run fún ìfẹ́ àti ìṣàkóso Ọba Aláṣẹ lórí àwọn orílẹ̀-èdè. Sáàmù tí ó kún fún ìtọ́nisọ́nà(miktam) àti ìdárò yìí jẹ́ apá kan nínú ọ̀nà ti àjọ́ Ìsrẹ́lì fi ń jọ́sìn gẹ́gẹ́ bí ìránnilétí pé Ọlọ́run ni ìrètí àti olùgbèjà wọn, bóyá wọn ni ìjákulẹ̀ ni tàbí wọn ní ìrírí ìṣẹ́gun.

Báwo ni kí n ṣe dáhùn?

Sisìn Jésù ni òtítọ́ kò mú wá bọ́ lọ́wọ́ wàhálà. O lè jẹ́ asiwájú - tí ò yọ́ọ̀da ara rẹ láti polongo nínú ilé ìjọsìn tí o sì ń sọ fún àwọn ènìyàn nípa Krístì - tí ó sì jẹ wípé láìròtẹ́lẹ̀ ni ó ní ìdojúkọ ìsọ̀tẹ̀sí láti ọ̀dọ̀ ọmọ rẹ tàbí ìfàsẹ́hìn tí ó pọ nípa ọrọ̀ ajé. Dípò kí ó bèèrè pé "Kílódé?" yí ìbéèrè rẹ padà sí "Tani?" "Tani olùgbèjà rẹ?" Tani ìwọ yóò kọjú sí fún ìrètí? Wàhálà kò lè ṣaláì má wà níwọ̀n ìgbà tí a bá ń gbé lórí ilẹ̀ ayé yì, nítorí náà má bẹ̀rù má sì jẹ́ kí ó bá ọ lójiijì. Mú ìpèníjà tuntun kọ̀ọ̀kan tọ Olúwa lọ, ẹni tí ó fẹ́ràn rẹ tí ó sì jẹ alákòóso ohun gbogbo. O kò leè ní ìrírí ayọ̀ ìṣẹ́gun láì kọ́kọ́ dojú kọ ogun náà.