Galasi 4
4
1A na ɩ à ŋá a, a ɩ̃ tɩɛrʋ n'ɩ ŋa: lɛn daar za a gbã-dɩrɛ na cãà ɩ bibile a, ʋlɛ nɩ a gbãgbaa za ɩ n been, ʋ na saa so bom za a. 2Ɛcɛ nɩbɛ na kaarɛ a ʋ zie ɛ́ kaarɛ a ʋ bome zie a mɩ́ so ʋ tɩ ta n a daar ʋl a ʋ sãà na ƴãw a. 3Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ#4:3 Bʋ̃-balɛ: A ɩ n a bome á ŋá a Dagara na bʋɔlɛ tɩbɛ, bɩɩ kɔ̃tɔmɛ a. gbãgbaar. 4Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ, 5k'ʋʋ tʋ̃ɔ́ ya de a bɛlɩ dem na be a Naaŋmɩn wulu fɛrʋ pʋɔ a, ɩ tɩ lɩɛbɩ Naaŋmɩn bibiir.
6A Naaŋmɩn na bɔbr k'ʋʋ wul kɛ́ nyɩ sɩrɩ na ɩ a ʋ bibiir a, ʋ tõ n a ʋ Bie Vʋʋrʋ a tɩ socie pʋɔ, ʋ mɩ́ cɩɩrɛ yere: «Aba, ɩ̃ Sãà a!» 7A na ɩ à ŋá a, fʋ bɛ cãà ɩ gbãgbaa ɩ, Naaŋmɩn bie nɛ b, ɛ́ fʋ na ɩ a ʋ bie a, a Naaŋmɩn na kʋ̀ b'ɩ a gbã-dɩ-bom ʋ na bin a ʋ bibiir ƴãw a.
A tɩɛrʋ a Galasi tẽw dem na ƴãwnɛ a Pol a
8A dãwdãw nyɩ na bɛ tɩ bãw a Naaŋmɩn a, nyɩ tɩ ɩ n ŋmɩmɛ na bɛ ɩ ŋmɩmɛ a gbãgbaar. 9Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar? 10Nyɩ bɛ ƴãwnɛ dere a bibie a mɩnɛ, a cuwr a mɩnɛ, a voru a mɩnɛ, nɩ a yome a mɩnɛ ƴãw ɛ. 11Nyɩ ɩ na ɩ̃ zɔrɛ dɛ̃bɩ̃ɛ ɩ̃ nãà wa bàl ɩ̃ tʋɔra a nyɩ ƴãw zawlalɛ a.
12 Yɛbr i, ɩ̃ zɛlɛ nyɩ na, nyɩ lɩɛbɩ ŋmɛ̃ taa nɩ mɛ̃, mɛ̃ a lɛ ɩ̃ na sàw ŋmɛ̃ taa nɩ nyɩ a. Nyɩ bɛ sãw mɛ̃ yel kãw za ƴãw ɛ. 13Nyɩ bãwnɩ a na, bàalʋ n'a tɩ so ɩ̃ hieri a Yel-nʋ̃ɔ̀ kʋ̀ nyɩ a dãw-niwn sob daar. 14A ɩ̃ ƴã-gã-bàal nyɛ́b tɩ ɩ n kpɩɛrʋ a nyɩ zie, ɛcɛ nyɩ bɛ jewri mɛ̃ ɩ, bɛ pĩ m ɛ, nyɩ nɩ̃ɛ na tɩ de m mɛ̃ Naaŋmɩn malkɩ bɩɩ a Kɩrɩta Yeezu tɔr za a. 15A nʋ̃ɔ̀ na tɩ dãw ɩrɛ nyɩ a, nyɩnɛ n'a ʋ cen mɔ̃? Bʋ̃ʋ n'ʋ vɛ̃, ɩ̃ dɩrɛ nɩ a dãsɩɛ ŋa a nyɩ ƴãw: nyɩmɛ tɩ tʋ̃ɔ́ a, nyɩ nãá 'lowr'ɩ a nyɩ mimie ƴãw mɛ̃. 16Ƴɛrɛŋa ɩ̃ na yel a yel-mɩŋa kʋ̀ nyɩ a, ɩ̃ lɩɛb'ɩ a nyɩ dɔ̃ sob bɩɩ?
17Bɛ mɩnɛ kãw mĩine nɩ a nyɩ ƴãw, ɛcɛ a bɛ tɩɛrʋ bɛ vɩɛl ɛ. Bom nɛ bɛ na bɔbr a n'ɩ kɛ́ bɛ bʋ́r mãa nɩ a nyɩɩm, nyɩ tʋ̃ɔ́ mĩine a bɛ ƴãw. 18Fʋ na mĩine a vla ƴãw a, bʋ̃-vla n'ʋ, ɛcɛ a mɩ́ ɩ kʋralɛ, ɛ́ ta ɩ ɩ̃ na mɩ́ wa be a nyɩ sɔgɔ a tɛwr ɛ. 19Ɩ̃ bibiir i, ɩ̃ lɛb'a wone tuo a nyɩ ƴãw mɛ̃ pɔw na dɔwr a, ɛ́ gù k'aa wa ɩ cãà k'aa Kɩrɩta be n a nyɩ sɔgɔ. 20Bʋ̃ʋ pãa ɩ ɩ̃ bɛ be a nyɩ zie a ƴɛrɛŋa a! Ɩ̃ nãá ƴɛ̀r'a gaalɩ a kɔkɔr. Bʋ̃ʋ n'ʋ vɛ̃, ɩ̃ bɛ mɩ́ bãw a lɛ ɩ̃ na na ɩ a nyɩ zie a ɩ.
Manʋ na man cɔwr'ɩ Agaar nɩ Saara a
21Nyɩɩm na bɔbr k'aa Wulu so nyɩ a, nyɩ bɛ wone a lɛ a Wulu ŋa na yere a ɩ? 22Bɛ sɛb'a k'aa Abraham tɩ tɛr'ɩ bibiir ayi, kãw ɩ a pɔw-gbãgbaa Agaar bie, ɛ́ kãw ɩ a pɔw na bɛ ɩ gbãgbaa a, a Saara, bie#4:22 Nyɛ̃ Yzt 16.15, 21.2.. 23Ɛcɛ a pɔw-gbãgbaa tɩ dɔw nɩ a ʋ bie nɩsaal dɔwfʋ, ɛ́ a pɔw na bɛ ɩ gbãgbaa a dɔw a ʋ bie a tu a lɛ a Naaŋmɩn na yel a#4:23 Nyɛ̃ Yzt 17.16.. 24Zʋkpar'ɩ à ŋà bɛ na lɔb a: a pɔwbɛ bɛ ŋa ayi ɩ n wõ-taar ayi: a kãw a Agaar na wule a ɩ n a Sinayi tãw zu wõ-taa, gbãgbaar'a ʋ dɔwr. 25A Agaar ɩ n a Sinayi tãw na be Arabi a, ʋ ŋmɛ̃ na taa nɩ a ƴɛrɛŋa Zerizalɛm na ɩ gbãgbaa, ʋlɛ nɩ a ʋ bibiir za a. 26Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã. 27Bʋ̃ʋ n'ʋ vɛ̃, bɛ sɛb'a yel:
«Pɔw-ãan i, cɩlɛ,
fʋ̃ʋ na bɛ tɩ dɔw a,
ŋmɩɛr nʋ̃ɔ̀ cɛlsɩ,
fʋ̃ʋ na bɛ wõ a dɔwfʋ 'wɔbrʋ a,
a pɔw-zawr-bɛra bibiir
na yãwmɛ na zuo
a pɔw na tɛr sɩr a bibiir#4:27 Nyɛ̃ Ɩza 54.1..»
28Nyɩɩm, yɛbr i, nyɩ dɔw na mɛ̃ Ɩzaakɩ a, a tu a nʋɔr Naaŋmɩn na ƴãw a. 29Ɛcɛ mɛ̃ a lɛ a koro za, a bie ʋl na tɩ dɔw a dɔwfʋ tu nɩsaal dɔwfʋ a na tɩ dɔwrɛ a bie ʋl na dɔw a tu Vʋʋrʋ Sõw a, lɛ n'a a mɩ̀ cãà ŋmɛ̃ a ƴɛrɛŋa. 30Ɛcɛ a Sɛb-sõw yel'a kɛ́ bo? Ɛ́ «Fʋ diw a pɔw-gbãgbaa nɩ a ʋ bie bɛr, bʋ̃ʋ n'ʋ vɛ̃, a bɛ tɛr sɔ́r k'aa pɔw-gbãgbaa bie nɩ a pɔw na bɛ ɩ gbãgbaa a bie lãw a gbã-dɩ-bom ɛ#4:30 Nyɛ̃ Yzt 21.10..» 31Yɛbr i, a na ɩ à ŋá a, tɩ bɛ ɩ pɔw gbãgbaa bibiir ɛ, tɩ ɩ n pɔw na bɛ ɩ gbãgbaa a bibiir.
Đang chọn:
Galasi 4: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.