Efɛɛzɩ 6
6
Bibiir nɩ bɛ dɔwrbɛ yele
1Bibiir i, nyɩ sàwr a nyɩ dɔwrbɛ nʋɔr a Sore niŋé, à ŋá n'a sɛw. 2«Ƴãwnɛ fʋ sãà nɩ fʋ mã» n'ɩ a Naaŋmɩn nɔ-ƴãwna dãw-niwn sob, a Naaŋmɩn na ƴãw lãwnɩ maalʋ nʋɔr ŋa a: 3«Kɛ́ fʋ tʋ̃ɔ́ wone nʋ̃ɔ̀ ɛ́ páw nyɔ-vʋʋr-wogo a tẽw zu#6:3 Nyɛ̃ Ety 20.12, Wl-ayi 5.16..»
4Nyɩɩm dɔwrbɛ ɛ, nyɩ ta gaarɛ a nyɩ bibiir bɛrɛ ɩ, nyɩ guole bɛ nɩ wulu nɩ kpaalʋ na yi a Sore zie a.
Gbãgbaar nɩ a nɩbɛ na so bɛ a yele
5Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a. 6Nyɩ ta ɩrɛ à à ŋá bɛ na piwre nyɩ a zũú ɛ, mɛ̃ nyɩ bɔbr'a kɛ́ nyɩ ɩrɛ a pɛlɩ nɩsaalbɛ pʋɔ a ɩ. Ɛcɛ nyɩ ɩrɛ mɛ̃ Kɩrɩta gbãgbaar na páwr a Naaŋmɩn pʋ-tɩɛrʋ maalʋ ƴãw a. 7Nyɩ tone nɩ pʋ-pla mɛ̃ a Sore mɩŋa n'ʋ nyɩ tone, ɛ́ a bɛ ɩ nɩsaalbɛ nɛbɛ a ɩ. 8Nyɩ bãwnɩ a na, bʋ̃-vla nɛ ŋa za na maalɩ a, ʋ ɩ n gbãgbaa bɩɩ nɩr na so ʋ tʋɔra a, ʋ na lɛb'a páw ʋ a Sore zie.
9Ɛ́ nyɩɩm na so a gbãgbaar a, nyɩ mɩ̀ ɩrɛ a lɛ a bɛ zie. Nyɩ bɛr a bɛ tanʋ. Nyɩ bãwnɩ a na, nyɩɩm nɩ a bɛl za Sore be n a saa-zu, ɛ́ ʋl bɛ tɛr owru kãw za a nɩsaalbɛ ƴãw ɛ.
A zɛbr bome a Naaŋmɩn na tɩrɛ a
10A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ. 11Nyɩ de a Naaŋmɩn zɛbr bome tʋ̃ɔ́ zɛb tʋ̃ɔ́ nɩ a Gɛgɛra yã-maalʋ. 12Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ. 13Alɛ so, nyɩ de a Naaŋmɩn zɛbr bome, lɛ n'a a bibi-faa bibir nyɩ kʋ̃ sàw bɛ tʋ̃ɔ́ nyɩ ɛ, ɛ́ cãà tʋ̃ɔ́ àr saaƴẽwn à á ŋá za pùorí.
14A na ɩ lɛ a, nyɩ ìr cɔbrɩ gù: nyɩ de a yel-mɩŋa sɛ sɩɛmɩ́ mɛ̃ kpàwr a, ɛ́ su a mɩnʋ mɛ̃ zɛbr-nyãa-kpale a. 15Ɛ́ a ƴã-ɓaarʋ Yel-nʋ̃ɔ̀ hieru ton na faarɛ a, ɩ nafawr nyɩ ƴãw. 16Ɛ́ baa zuo a za, nyɩ de a naaŋmɩn-sàwfʋ ʋ ɩ a zɛbr-kur-pãgala, ʋ na sõw nyɩ na nyɩ kpiiri a pime vũu a Faalʋ sob na tɛbr'ɩ nyɩ a. 17Nyɩ sàw de a faafʋ mɛ̃ kpawɔ-kpow nyɩ na vɔblɩ a, ɛ́ tɛr a Vʋʋrʋ Sõw zɛbr-sɔ-kpɛ̃ɛ, a pɛr lɛ kɛ́ a Naaŋmɩn ƴɛ̀rʋ.
18Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za. 19Nyɩ mɩ̀ puore kʋ̀rɛ mɛ̃, kɛ́ Naaŋmɩn ƴãw a ƴɛ̀r-bie al na sɛw a a ɩ̃ nʋɔrɩ́, k'ɩ̃ tʋ̃ɔ́ ɓãá ƴãw manɩ a Yel-nʋ̃ɔ̀ yel-sɔwla wul ʋ sãá. 20Ɩ̃ na saa be a gaso pʋɔ a, ɩ̃ cãà na ɩ nɩr bɛ na tõ a Yel-nʋ̃ɔ̀ ŋa yúor ƴãw a. Lɛ so, nyɩ puore kʋ̀rɛ mɛ̃ k'ɩ̃ tʋ̃ɔ́ ɓãá ƴãw manɛ ʋ mɛ̃ a lɛ a na fɛr k'ɩ̃ɩ ɩrɛ a.
A sɛbɛ baarʋ daar nɩbɛ puoru
21A tɩ yɛb-nɔna Tɩsɩkɩ mɩ̀ na lãwnɩ mɛ̃ tone a Sore bɛ lɛbr pùor a, ʋ na manɩ nɩ a ɩ̃ yele za kʋ̀ nyɩ nyɩ tʋ̃ɔ́ bãw lɛ a na ŋmɛ̃ a ɩ̃ zie a, nɩ bom nɛ ɩ̃ na ɩrɛ a. 22Ɩ̃ sʋ̃ɔm'a tõ ʋ a nyɩ zie k'ʋʋ wa manɩ a tɩ yele kʋ̀ nyɩ ɛ́ mɔwlɩ nyɩ.
23A Naaŋmɩn Sãà nɩ a Sore Yeezu Kɩrɩta, bɛ kʋ̀ a yɛbr za ƴã-ɓaarʋ, nɔ̃w-taa nɩ naaŋmɩn-sàwfʋ. 24A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.
Đang chọn:
Efɛɛzɩ 6: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.