Efɛɛzɩ 5
5
Nyɩ ɩrɛ mɛ̃ cãà pʋɔ bibiir a
1A na ɩ à ŋá a, nyɩ cɔwrɛ a Naaŋmɩn, nyɩ na ɩ a ʋ bi-nɔnɩ a ƴãw. 2Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.
3Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ. 4A mɩ̀ bɛ sɛw kɛ́ ƴɛ̀r-pɔmɛ bɩɩ dãbol-ƴɛ̀rʋ bɩɩ dɩ̃ɛnʋ ƴɛ̀r-faar yire a nyɩ nʋɔrɩ́ ɛ. Nyɩ mɩ́ vɛ̃ kɛ́ puore a Naaŋmɩn barka. 5Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.
6Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw. 7Nyɩ ta pʋɔ a bɛ ɩ-faar maalʋ pʋɔ ɩ. 8Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a. 9Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa. 10Nyɩ mɩ́ ƴãw fãw bãw bom nɛ na pɛlɩ a Sore pʋɔ a. 11Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a. 12A alɩ bome nɛ a nɩbɛ bɛ ŋa na mɩ́ sɔwlɛ ɩrɛ a, a manʋ mɩ́ ɩrɛ nɩ vĩ. 13Ɛcɛ bom nɛ na yi cãà pʋɔ a, a cãà mɩ́ wul'ɩ a bom nɛ ŋmɛ̃a za. 14Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel:
«Ìr, fʋ̃ʋ na gúre a,
lɛb ìr a kũuni pʋɔ,
ɛ́ a Kɩrɩta na caalɩ fʋ na.»
15A na ɩ à ŋá a, nyɩ tɛr maal-ɩb a nyɩ cenu pʋɔ: nyɩ ta cere mɛ̃ dãbole a ɩ, nyɩ cere mɛ̃ yã-bãwnbɛ 16na tɛr maal-ɩb a vuo ŋa pʋɔ a. A dɩ̃a zie ŋa sɩrɩ bɛ vɩɛl ɛ. 17A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.
18Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ. 19Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za. 20Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.
Pɔwbɛ nɩ sɩrbɛ yele
21Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.
22Pɔwbɛ ɛ, nyɩ sàwr a nyɩ sɩrbɛ nʋɔr, mɛ̃ a lɛ nyɩ na sàwr a Sore nʋɔr a. 23Bʋ̃ʋ n'ʋ vɛ̃, a sɩr n'ɩ a pɔw nɩ-kpɛ̃ɛ mɛ̃ a lɛn tɔr za a Kɩrɩta na ɩ a Lãw-yir nɩ-kpɛ̃ɛ a, ʋl na ɩ a ʋ ƴã-gan faarɛ a. 24Ɛcɛ mɛ̃ a lɛ a Lãw-yir na sàwr a Kɩrɩta nʋɔr a, a pɔwbɛ, bɛ sàwr a bɛ sɩrbɛ nʋɔr a yele za pʋɔ.
25Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a. 26Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw#5:26 Nyɛ̃ Ezek 36.25, Tɩt 3.5, Zã 15.3.. 27Ʋ tɩ bɔbr'a kɛ́ a Lãw-yir àr a ʋ niŋé vɩɛl nyɩwrɛ, ɛ́ ta tɛr dɛwr ɛ, ta vár ƴã-gan ɛ, ta tɛr faalʋ za ɩ. Ʋ tɩ bɔbr'a k'aa Lãw-yir ɩ sõw ɛ́ ta tɛr sãwna nɩr yere ɩ. 28À ŋá n'a a fɛr kɛ́ a sɩrbɛ nɔnɛ a bɛ pɔwbɛ, mɛ̃ a bɛ mɩŋa ƴã-gan a. Ʋlɩ sob na nɔnɛ a ʋ pɔw a, ʋ tʋɔra n'ʋ ʋ nɔnɛ. 29Nɩr za bɛ dãw hɩ̃ɛn a ʋ mɩŋa ƴã-gan ɛ, ʋ nɩ̃ɛ na mɩ́ vɛ̃ kɛ́ guole ʋ, ɛ́ kaarɛ a ʋ zie vla, mɛ̃ a lɛ a Kɩrɩta na ɩrɛ a ʋ Lãw-yir ƴãw a, 30a Lãw-yir na ɩ a ʋ ƴã-gan, ɛ́ tɩ za ɩ a ʋ ƴã-gan ŋa ɓɛrmɛ a. 31Alɛ n'a so, mɛ̃ a lɛ a Sɛb-sõw na yel a: «A dɛb na mɩ́ bɛr'ɩ a ʋ sãà nɩ a ʋ mã, ɛ́ tɩ lãw nɩ a ʋ pɔw, bɛ za ayi lɩɛbɩ nɩ-been#5:31 Nyɛ̃ Yzt 2.24..» 32A yel ŋa na bɛ tɛr bãw baarʋ a ɩ n yel-kpɛ̃ɛ: mãa yere na k'ʋʋ càar'ɩ a Kɩrɩta nɩ a Lãw-yir. 33Alɛ saa ŋmɛ̃ ŋmɩŋmɩn a, a fɛr'a kɛ́ nyɩ kãw za mɩ́ nɔnɛ a ʋ pɔw mɛ̃ a ʋl mɩŋa a, ɛ́ pɔw za ƴãwnɛ a ʋ sɩr.
Đang chọn:
Efɛɛzɩ 5: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.