1 Korɛ̃tɩ 9
9
A Pol bɛ ɩrɛ a lɛ ʋ nãá tʋ̃ɔ́ ɩrɛ a ɩ
1Ɩ̃ bɛ so ɩ̃ tʋɔra bɩɩ? Ɩ̃ bɛ ɩ nɩ-tona bɩɩ? Ɩ̃ bɛ nyɛ̃ a Yeezu tɩ Sore ɩ? Nyɩmɛ bɛ nɛbɛ ɩ a ton ɩ̃ na tõ a Sore pʋɔ a ɩ? 2Bɛ mɩnɛ zie mãa bɛ wa ɩ nɩ-tona a, a nyɩɩm zie ʋl a, ɩ̃ ɩ ʋ na. Bʋ̃ʋ n'ʋ vɛ̃, nyɩ na lãw nɩ a Sore a, nyɩmɛ nɛbɛ ɩ a ɩ̃ nɩ-tona tome bãwfʋ.
3À ŋá n'a ɩ̃ na ƴɛ̀rɛ, k'ɩ̃ɩ wul a ɩ̃ yel-mɩŋa a bɛlɩ dem na manɛ a ɩ̃ sãwna a zie: 4tɩ bɛ tɛr sɔ́r na dɩrɛ ɛ́ nyúur a tɩ tome zũú bɩɩ? 5Tɩ bɛ tɛr sɔ́r na tɛr pɔw na ɩ kɩrɩta-nɩr a, ʋ bɩɛlɛ tɩ mɛ̃ a lɛ a nɩ-toni ŋmaarɛ, a Sore yɛbr nɩ a Pɩɛr na ɩrɛ a bɩɩ? 6Mãa yõ nɩ a Banabasɩ, tɩmɛ nɛbɛ bɛ tɛr sɔ́r na bɛr a tome ɩ? 7Ãa n'ʋ dãw de ʋ mɩŋa libie tone nɩ sojarɩ tome? Ãa n'ʋ dãw sɛl divɛ̃ tɩɛ ɛ́ ciir a wɔmɛ? Bɩɩ ãa n'ʋ dãw àrɛ nɩ dʋn ɛ́ a dʋn bʋ̀rʋ bɛ guole ʋ?
8Yele na càarɩ a nɩsaal nyɔ-vʋʋrʋ tɛwr a n'a ɩ̃ yere e? A Wulu tɔr za mɩ̀ bɛ yere a lɛn tɔr za ɩ? 9Bʋ̃ʋ n'ʋ vɛ̃, bɛ sɛb'ɩ a Moyiir wulu pʋɔ kɛ́: «A náab na vàrɛ a ble a, fʋ kʋ̃ 'lẽ a ʋ nʋɔr pàw ɛ#9:9 Nyɛ̃ Wl-ayi 25.4..» A Naaŋmɩn nɔ̃w tɩɛrɛ nɩ nĩi yele bɩɩ? 10Tɩɩm ƴãw bɛ n'a ʋ sɩrɩ ƴɛ̀rɛ ɩ? Sɩza n'a, tɩɩm ƴãw n'a bɛ sɛb à à ŋá, bʋ̃ʋ n'ʋ vɛ̃, a fɛr'a kɛ́ a ka-kʋɔra kʋɔr tɩɛrɛ nɩ k'ʋʋ nãà cɛ na, ɛ́ ci-vàrɛ vàrɛ tɩɛrɛ nɩ k'ʋʋ nãà páw a na. 11Tɩmɛ wa bʋ̀r a Vʋʋrʋ Sõw bʋ̃-bʋʋrɛ a nyɩ pʋɔ a, ɛ́ wa de a nyɩ bʋ̃-tɛrɩ a, bɔ-zuo n'a bɩɩ? 12Bɛ mɩnɛ wa tɛr sɔ́r na ɩrɛ a lɛ a nyɩ zu, bʋ̃ʋ n'ʋ so tɩɩm kʋ̃ nɩ̃ɛ ɩrɛ a lɛ zuo lɛ?
Ɛcɛ tɩ bɛ ɩ à à ŋá tɩ na tɩ tɛr sɔ́r na ɩrɛ a ɩ. Tɩ nɩ̃ɛ na sàw de bom za, kɛ́ yel za ta piw a Kɩrɩta Yel-nʋ̃ɔ̀ ɩ. 13Nyɩ bɛ bãw k'aa bɛlɩ dem na tone a Ŋmɩn-yir-kpɛ̃ɛ pʋɔ a, a Ŋmɩn-yir-kpɛ̃ɛ n'ʋ guole bɛ ɩ? Ɛ́ a bɛlɩ dem na tone a bàwr-maal-kuur zu tome a, bɛ pʋɔ nɩ a bàwr-maal-kuur zu de-kʋ̀b bome pʋɔ ɩ? 14Lɛ mɩ̀ n'a, a Sore yel'ɩ a bɛlɩ dem na hiere a Yel-nʋ̃ɔ̀ a, kɛ́ a Yel-nʋ̃ɔ̀ ton guole bɛ#9:14 Nyɛ̃ Mat 10.10, Luk 10.7..
15Ɛcɛ mãa a, à á ŋá za ɩ̃ na tɩ tɛr sɔ́r nãá ɩrɛ a, ɩ̃ bɛ ɩ a towtow ɛ, ɛ́ mɩ̀ bɛ lɛb sɛbr à á ŋá k'ɩ̃ɩ tʋ̃ɔ́ ɩrɛ a ɩ. Mãa nɩ̃ɛ kpi a, alɛ sa. Nɩr bɛ be na faa a nyʋʋr bom ŋa a ɩ̃ zie ɩ. 16Bʋ̃ʋ n'ʋ vɛ̃, a Yel-nʋ̃ɔ̀ ɩ̃ na hiere a, a bɛ ɩ yúor ɩ̃ bɔbr ɛ, fɛrʋ ton n'ʋ. Baw-bio sob nɛ m, mãa bɛ wa hiere a Yel-nʋ̃ɔ̀ a. 17Mãa mɩŋa tɩ n'ʋ nɔnɛ tone a ton ŋa a, ɩ̃ tɩ tɛr'ɩ sɔ́r nãá páwr sã-ya. Ɛcɛ ʋlɛ wa ɩ fɛrʋ ton a, ʋ ɩ n ton bɛ kʋ̀ m. 18A na ɩ lɛ a, a ɩ̃ sã-ya pãa n'ɩ buor a? Ʋlɛ n'ɩ k'ɩ̃ɩ hiere a Yel-nʋ̃ɔ̀ kʋ̀rɛ a nɩbɛ zawlalɛ, ɛ́ bɛr a tɔnɛ al za ɩ̃ na tɛr sɔ́r nãá páwr a Yel-nʋ̃ɔ̀ hieru pʋɔ a.
19Mãa na so ɩ̃ tʋɔra bɛ ɩ nɩr za gbãgbaa a, ɩ̃ sàw na lɩɛbɩ nɩbɛ za gbãgbaa, k'ɩ̃ɩ tʋ̃ɔ́ páw a bɛ bɛ́rʋ zie kʋ̀ a Kɩrɩta. 20A Zifʋ mɩnɛ zie a, ɩ̃ mɩ́ ɩrɛ na mɛ̃ Zifʋ a, k'ɩ̃ɩ tʋ̃ɔ́ páw a Zifʋ mɩnɛ. A bɛlɩ dem a Wulu na fɛrɛ a zie, ɩ̃ mɩ́ ɩrɛ na mɛ̃ a Wulu fɛrɛ mɛ̃ na a, ɛcɛ a Wulu bɛ fɛrɛ mɛ̃ ɩ, k'ɩ̃ɩ tʋ̃ɔ́ páw a bɛlɩ dem a Wulu na fɛrɛ a. 21A bɛlɩ dem na bɛ bãw a Moyiir wulu a zie a, ɩ̃ mɩ́ ɩrɛ na mɛ̃ a bɛl a, k'ɩ̃ɩ páw a bɛlɩ dem na bɛ bãw a Moyiir wulu a. Ɛcɛ ɩ̃ bɛ ɩ nɩr na bɛ bãw a Naaŋmɩn wulu a ɩ, Kɩrɩta na n'ʋ ɩ a ɩ̃ wulu a ƴãw. 22Ɩ̃ mɩ́ lɩɛb'ɩ bãbàal a bãbàalbɛ zie, k'ɩ̃ɩ páw a bãbàalbɛ. Ɩ̃ mɩ́ lɩɛb'ɩ bom za a bɛ za zie, kɛ́ alɛ saa ŋmɛ̃ ŋmɩŋmɩn a, mãa tʋ̃ɔ́ faa bɛ mɩnɛ. 23A Yel-nʋ̃ɔ̀ ƴãw n'a ɩ̃ ɩrɛ à à ŋá, k'ɩ̃ɩ tʋ̃ɔ́ pʋɔ a ʋ maalʋ pʋɔ.
24Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a. 25A dɩ̃ɛ-dɩ̃ɛnbɛ za mɩ́ ƴãw nɩ a bɛ ƴã-gan dɔwrʋ yaga, dɛpaal-kpawʋɔ na mɩ́ wɛ a ƴãw n'a bɛ mɩ́ ɩrɛ a lɛ, ɛcɛ tɩɩm a, dɛpaal-kpawʋɔ na bɛ tɛr nãà wɛ a ƴãw n'a. 26A na ɩ à ŋá a, à ŋá n'a mãa zɔrɛ: ɩ̃ bɛ bʋ̀nɛ zɔrɛ ɩ, ɛ́ à ŋá n'a ɩ̃ ŋmɩɛr a cɔ̀rɛ: ɩ̃ bɛ ŋmɩɛr vuo pʋɔ ɩ. 27Ɛcɛ ɩ̃ 'wɔnɛ nɩ a ɩ̃ ƴã-gan ɛ́ dɔwrɛ ʋ, k'ɩ̃ɩ tʋ̃ɔ́ so ʋ, k'ɩ̃ɩ taa wa mab hieri a Yel-nʋ̃ɔ̀ kʋ̀ a nɩbɛ, ɛ́ bɛ nyɛ̃ ɩ̃ bɛ sɛwnɩ ʋ ɛ.
Đang chọn:
1 Korɛ̃tɩ 9: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.